YEREMIA 5:9 - WUKE SUSI WATTI'U AL᷊AL᷊USASSA

⁹ Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?

YEREMIA 5:9 Referans Kwoze

YEREMIA 9:9

Tawe mariaddi su walahanna ereindi i Ya'u tawe mapaarantan ṛuumanna apan ṛinone? Sarun Ta'u wal᷊isanna inolaanni mangitou; i Ya'u, Mawu, buatte nabbisara!”

YEREMIA 5:29

Arawe, i Ya'u, Mawu, sarun makkuumanni mangitou ana waugu sarangkanambone udde; i Ya'u sarun mabbal᷊issa manga inolaannu walahanna indi.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

HOSEA 2:13

I Ya'u sarun makkuumanni tou ana waugu manga allo apan nipaanne ipannambunnu amania si Baal, see nandiahi ringannu lal᷊ogakke tadea'u ipangenggenna manga arangnguanne, ana see i Ya'u mangke niabual᷊iananna atonna. I Ya'u, Mawu, buatte nabbisara.”

YEHEZKIEL 7:9

I Ya'u tawe umakkanna ara'e mangonggollu ampungnga si'o. I Ya'u sarun makkuumanni yamiu uasul᷊ungngu al᷊awo'u al᷊al᷊eo apan buatte niola'i yamiu. Ne i yamiu masingkatte manungku ete i Ya'u Mawu wuṛṛu ete i Ya'u apan makkuumanni yamiu.”

LAL᷊ALLU 4:22

Sion buatte nangamattu ṛuumanne su manga rosa apan niolangne; orassa indi i yami tate iwalan Mawu wuṛṛu tate iapidda apia sulal᷊ummu pamuanganna. Arawe i'o, ei Edom, sarun iṛṛuumannu Mawu. Manga rosanu sarun iapal᷊iatta'a.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

TAHIUL᷊E 32:43

Wette manga walahanna, paddalote al᷊aṛṛana'u Mawu, ana waugu Mawu makkuumannu sarangkanambone apan namate si mangitou. I Tou nabbal᷊issa taddu'u naungnga su manga se'en-Ne arawe nangampungnga rosan manga al᷊aṛṛanang-Nge.”

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

IMAMATTA 26:25

I Ya'u sarun mandantan pangalo su pattangngannu ipakkuumanni yamiu ana waugu i yamiu buatte nilumawanga pa'aire-U si yamiu. Wuṛṛu amungkangngu i yamiu ma'ammula su soanu maddea'a pattillummanna, i Ya'u sarun mandantan radda'a apan tawe iapapia, na'oman sara i yamiu sarun manantilu watangannu su seennu.

YESAYA 57:6

Nariaddi naṛṛinote i yamiu mangammullu manga watu mal᷊ewakka wua isudde. Eteudde wageangngu! Ete su manga watu udde lai i yamiu nallal᷊innu anggore wuṛṛu nangonggollu gandumma. Unnu pahinu i Ya'u mal᷊uassu sarangkanambone udde?

YEREMIA 5:10

I Ya'u sarun mandolokku seetta inai iapahohakku waillu anggori mangitou, arawe wal᷊ine iapaamussa abbi. I Ya'u sarun mandolokku seetta udde mamaresi manga rannan anggori mangitou, ana waugu manga ranna udde wal᷊ine pussa'a-U.

YEREMIA 32:31

Ro'en soa indi niapararisikka, tumanangnge buatte na'ola'a si Ya'u mangke nasa'u atonna. I Ya'u buatte nakkawessa mamate si mangitou,

LAL᷊ALLU 3:42

“I yami na'ola'a rosa wuṛṛu nilumawangnga Si'o, oh Mawu, wuṛṛu I'o tawe mangonggollu ampungnga.

IMAMATTA 18:25

I mangitou buatte na'ola'a al᷊awo'u pallal᷊aghu apan ma'arantinna udde, na'oman sara leta'i mangitou lai nabbal᷊i ma'arantinna. Ne Mawu nakkuumanni mangitou wuṛṛu tawe namalan mangitou matana'a poiaroddi. Arawe i yamiu imbaṛṛangnga ma'ola'a manga pallal᷊aghu udde. I yamiu sarangkanambone, taumatan Israel wuṛṛu taumata raho apan uatana'a suadio'a ringanni yamiu, ṛinone tumuṛṛutta atoranna wuṛṛu parentan Mawu,

AMSAL 6:29

Udde asasilakane nassul᷊ungngu mattiilla ringannu awingngu taumata waine. Isai apan ma'ola'a inolaanna udde tawe mal᷊iu wuassu ṛuumanna.

YEREMIA 6:6

Mawu Apan Lembontaṛṛino buatte namarenta manga tembonanne tadea'u manuwangnga manga aaluanna wuṛṛu ipasi'a su manga wuidda pattillindumanna malliwunna Yerusalem. Mawu nabbisara, “Soa indi sarun Ta'u iṛṛuumanna ana waugu sulal᷊umme buatte niola'a manambo pangangallangnga.

YEREMIA 6:11

Asasa'u-Nu si mangitou lai lukkenggamma sulal᷊ummu waddangku, Mawu! Tawe iaṛṛaddanna.” Wua'udde Mawu nabbisara, “Sopa'e asasa'unu udde su al᷊aṛṛana'a su manga lal᷊anna wahewalla wuṛṛu su manga taumata umbasanna maṛṛuala apan tantal᷊anna uaammulla. Esakka wuṛṛu wawine sarun sametanna, wuṛṛu ingana'a timmadde lai tawe mal᷊iudda.

YEREMIA 9:8

Manga wisaran mangitou tumanite ma'asilaka, botongnge maapate ere anaanna mawisa. Manga wisara mangitou mangkete awusu. Manga wisara mangitou matemangnga maanemma, arawe wutte'e i mangitou mantaingngu sedda.