YEREMIA 5:7 - WUKE SUSI WATTI'U AL᷊AL᷊USASSA

⁷ Mawu nabbisara, “Anio i Ya'u ṛinone mangampungnga manga rosan uma-U? I mangitou buatte nanantang-Ku wuṛṛu massubba wal᷊ine Ruata. I Ya'u mangngonggollu anna si mangitou ma'oman sara i mangitou mal᷊aidda, arawe i mangitou sinumandaga, wuṛṛu masokka mattembo wawine masandaga.

YEREMIA 5:7 Referans Kwoze

GALATIA 4:8

Dorone i yamiu tawe maaillal᷊a Ruata, ana waugu udde i yamiu naola'a allangngu manga taṛṛino apan iraṛṛangngo ere mawu, arawe ṛinone wal᷊ine Ruata.

YEREMIA 2:11

Taambe saran paassa nariaddi sambau walahanna nanu'addu mawune salaiwe udde wal᷊ine Ruata apan atonna. Arawe uma-U buatte nanal᷊iu-U, apan ma'aluassa si mangitou ringannu sambau saranapa apan tawe maaola'a apa-apa.

YOSUA 23:7

Ringannu aroddi yamiu tawe mallal᷊o'an manga walahanna apan ta'e uatana'a su sampunna ringanni yamiu. I yamiu tawe maasagon arannu manga monganni mangitou ara'e massalu sulal᷊ummu aranna udde. Wuṛṛu lai yamiu tawe mattaṛṛamawu ara'e massubba su manga monganna udde.

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

YEREMIA 23:10

Wanuan kite napanen taumata apan mal᷊awangnga Mawu. I mangitou mabbiakka lal᷊eo wuṛṛu massal᷊a paattu taṛṛino mangitou. Ana waugu tatal᷊a Mawu, nannal᷊o su wadda'a nabbal᷊i mamara wuṛṛu ahewallu wanua lullal᷊o.

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

YEREMIA 12:16

Amungkangngu i mangitou ringannu ahewallu naungnga mappulu manengkamma agaman uma-U wuṛṛu mappulu massalu ringannu mabbisara, ‘Riangannu arannu Mawu apan biakka,’ – ere lai dorone i mangitou mangngaṛṛa'a uma-U massalu ringannu aranni Baal – ne i mangitou lai sarun mareengnga uma-Ku wuṛṛu maola'a ala.

1 KORINTUS 6:9

Massingkate i yamiu manungku manga taumata apan tawe tumuṛṛutta apulun Duata, tawe maola'a al᷊aṛṛana'u Ruata? Arie aawusuanna! Manga taumata apan sussandaga, manga taumata apan massubba paal᷊uanna, apan mannalangnga wawine, apan ma'ola'a inolaanna apan maasili su sansul᷊ungnge,

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

HOSEA 7:4

I mangitou sarangkanambone taṛṛa awusu wuṛṛu taumata apan tawe satia. Ararantinni mangitou naal᷊ihidda putungnga sulal᷊ummu sungilla apan tawe niṛṛunuttu. Maaola'a roti tantal᷊anna tamponna taambe nasaddia lol᷊oanna.

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

YEHEZKIEL 22:11

awingngu taumata waine ara'e mananambone ara'e tuari uapapaṛṛala inangnga.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

YEREMIA 9:2

Unnu wisara su wadda'u anne wotongnge ta'u asangkal᷊anna tampa pattindahoannu taumata apan sulal᷊ummu amatanna! Ne i ya'u sarun manantangngu walahangku, wuṛṛu tumal᷊angke poiaroddi tadea'u mangindau wuassi mangitou. I mangitou sarangkanambone mandal᷊al᷊eo, sambau ammul᷊annu taumata apan mal᷊awangnga,

YEREMIA 3:19

Mawu nabbisara, “Israel, i Ya'u mappulu manengkamma si'o maola'a ana-U, wuṛṛu mangonggolla si'o wanua apan ma'al᷊uassa, wanua apan apianne su ahewallu runia. I Ya'u mappulu tadea'u i'o mamaggo si Ya'u iamangnga, wuṛṛu tate mangingkatta apia wua dingang-Ku.

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

DARALO 50:18

Amungkangu i'o maasilo sangkatou taṛṛa ta'o, i'o tumantalonga si tou, wuṛṛu i'o uahahawen manga taumata sussandaga.

IMAMATTA 20:10

Amungkangngu sangkatou Israel sinumandaga ringannu awingngu taumata sambalahanne, i tou wuṛṛu wawine udde ṛinone iṛṛuumanna pateanna.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

2 TAWARIKH 13:9

Wal᷊inewe manga imam su Mawu eteudde papapulunni Harun wuṛṛu manga taumatan Lewi, sarangkanambone buatte nilimbuaṛanni yamiu? Maola'a hahantine walate isai maapulu maola'a imam, sawal᷊iate i tou mangapiddu sapi sambau ara'e domba pitu, apan pileanni yamiu maola'a imam wal᷊inewe Ruata, ana waugu etearoddi ola'u manga walahanna waine manenegu imammi mangitou. Arawe inolaanni yami wal᷊inewe ereudde.

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEREMIA 16:20

Wotongngewe taumata ma'ola'a mawune sassane? Tantu tawe! Apan olaanne udde tantu wal᷊ine Ruata.”

LAL᷊ALLU 3:42

“I yami na'ola'a rosa wuṛṛu nilumawangnga Si'o, oh Mawu, wuṛṛu I'o tawe mangonggollu ampungnga.

AYUB 31:12

Rosa udde maapate ere putungngu naraka, sarangkanambone apan tatahuanangku nasue nisoṛṛobbe.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.