YEREMIA 5:31 - WUKE SUSI WATTI'U AL᷊AL᷊USASSA

³¹ manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEREMIA 5:31 Referans Kwoze

YEHEZKIEL 13:6

Manga aellegi mangitou awusu, wuṛṛu manga pani'atti mangitou tumba'u wawahia. I mangitou mangnga'u uaapiddu tanata wuassia-U, sumbal᷊i Ya'u tawe nandolokki mangitou. Ereapa wotongnge i mangitou mangngantimma pani'atti mangitou udde sarun mariaddi?

YEREMIA 14:14

Arawe Mawu sinumimbakka, “Manga nabi udde mangapiddu watti'a awusu ringannu arang-Ku; i Ya'u tawe nandolokki mangitou, wuṛṛu tawe lai nangonggollu parenta ara'e naggahatto mangitou. Manga aellegga apan iwabbatti'i mangitou wal᷊ine wuassia-U; i mangitou maṛṛangngo manga inolaanna tawe gunane apan iaarangnga sassane.

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

YEHEZKIEL 22:14

Ta'e waṛṛaniwe ara'e ta'e matohassawe i'o mamatten limanu napawe i Ya'u nuddusse makkuumannu? I Ya'u, Mawu Apan Atanggaṛṛanne buatte nabbisara wuṛṛu i Ya'u sarun mapaamattu apa apan buatte Ta'u niwisara.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

TAHIUL᷊E 32:29

Unnu wisara i mangitou pande, i mangitou sarun maasunna, wuṛṛu maṛṛingiddu panguddusannu allon mangitou.

MIKHA 2:6

Manga taumata mannase si ya'u, wisarane, “Imbaṛṛangnga mannase si yami. Imbaṛṛangnga mannase su ola'u sarangkanambone udde. I yami sarun tawe maasomba asasili.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 20:6

Sutempo udde manga taumata apan uatana'a su apanne sarun mabbisara, ‘pa'ellege apa apan nariaddi su walahanna apan ipangngasakki ite tadea'u mallu'adda si ite wuassu ratun Asyur. Ereapa wotongnge i ite masal᷊amatta?’ ”

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YESAYA 43:27

Iupungngu al᷊amonanu paarorone buatte na'ola'a rosa, manga piaṛṛangngu buatte namangalo si Ya'u,

YESAYA 47:7

I'o massunna manungku i'o maola'a ratu sarangkal᷊o'enge, wuṛṛu tawe maatutukka ara'e maṛṛingiddu panginsueanne.

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”

YEREMIA 26:7

Anambon apan niwisara'u su Wal᷊en Mawu udde niraringiṛṛannu manga imam, manga wuṛṛu tumana'u soa.

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

LAL᷊ALLU 4:18

I yami tawe maasabbangnga watukku lal᷊anna, sumabbangnga sidutu tataṛṛasooannu seetta. Panginsueannu wiakki yami maranite, ana waugu manga allon kami natipusse.

HOSEA 4:9

Ne i yamiu sarun matataṛṛangnga ere lai tumanangnge! I ya'u sarun makkuumanni amiuuasul᷊ungngu manga inolaannu.

HOSEA 6:10

Su Israel i Ya'u naasilo sambau apan maata'utta: uma-U mandal᷊eo watanganne ringannu massubba paal᷊uanna.

HOSEA 9:5

Su manga allo wahewallu agama ipangaddatta Mawu, i yamiu sarun tawe ma'ola'a apa-apa ipallaghun allo udde.

TAHIUL᷊E 32:20

Wisara-Ne, ‘I Ya'u maddirite mantul᷊ungngi mangitou apia; walate Ta'u ellehanna tanne ereapa panginsueanni mangitou. Ana waugu walahanna udde maatikka puane wuṛṛu mangke tawe tumuṛṛutta.

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

AMSAL 17:4

Taumata lal᷊eo tuttuṛṛutta manga tatantiro apan dal᷊eo, taṛṛa awusu mappulu maddaringikka manga wisara aal᷊uandaga.

YEHEZKIEL 13:10

Ei manga nabi awusu! I yamiu buatte nangal᷊iwun uma-U ringannu mabbisara manungku sarangkanambone mal᷊angnganna wuṛṛu naatokke. Sumbal᷊i wutte'e mangke tawe! Uma-U buatte napararisikku tanda batu tela apan mal᷊oangnga addone, wua'udde i yamiu rumanta wuṛṛu mamuṛṛa.

ZEFANYA 3:4

Manga nabine tawe apendamma mandiaga wuṛṛu tawe apangimananna; manga iman mandal᷊eo apa apan niṛṛae su Mawu wuṛṛu mammal᷊elongngu manga titan Duata ipaddea'a auntunganni mangitou sassane.