YEREMIA 5:22 - WUKE SUSI WATTI'U AL᷊AL᷊USASSA

²² Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

YEREMIA 5:22 Referans Kwoze

DARALO 104:9

I'o nanantunna manga passaranna apan i tou tawe maal᷊iu, tadea'u tawe maawelengnga mangammon dunia.

AYUB 26:10

I Tou nangngambaru harissa mal᷊imbulunna uaal᷊ungnga tahal᷊oangnga tadea'u ipaṛṛaen asasemakka wuassu ararandumma.

AMSAL 8:29

sutempo i Tou namarenta ua'en tahal᷊oangnga tadea'u imbaṛṛangnga lumewessa manga passaranne. I ya'u lai isudde sutempo apampakku runia niwilan-Ne.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

TAHIUL᷊E 28:58

Amungkangngu i yamiu tawe tumuṛṛutta anambon titan Mawu Ruatanu apan uawoṛṛetta sulal᷊ummu wuke indi wuṛṛu tawe mangaddata Mawu Ruatanu apan mawantuga wuṛṛu ma'atiangnga,

NAHUM 1:4

I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

MARKUS 4:39

Mawu Yesus napu'ote see namul᷊o anginna udde, wuṛṛu nabbisarate rano, “Paal᷊annaba, al᷊enakke!” Ne anginna nol᷊ote, wuṛṛu rano nal᷊enakke atonna.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

AMOS 9:6

Mawu namangunna wal᷊e-Ne marau su winalanganna, su wowon dunia i Tou nantaingngu langitta maola'a sasirungnge, wuṛṛu ua'e wuassu tahal᷊oangnga nilal᷊in-Ne su ammaranne, apan na'ola'a sarangkanambone udde aran-Ne eteudde Mawu!

DARALO 99:1

Mawu uddewe Ratu; manga walahanna mangngiladda. I Tou ua'ianna su wowon mala'ekatta, runia niumio'a.

DARALO 33:7

Anambon ua'en tahal᷊oangnga niammuli Tou su sambau tampa, laudda mal᷊alangnga nitaṛṛangan-Ne ere pinassaranna.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

LUKAS 12:5

Mappianne Ta'u ita'e si yamiu apan ṛinone iaata'utti yamiu. Ata'utten Ruata! Ana waugu napawe suete namate, i Tou uataṛṛino lai mandammenu sulal᷊ummu naraka! Pangimante, tumba'u i Tou iaata'utti yamiu.

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

PANDARIADDI 1:9

Wua'udde Ruata nabbisara, “Ṛinone ua'e wowa su al᷊ungngu langitta mangelekka su sambau tampa, tadea'u leta'a aasiloanna.” Ana see olangnge udde nariaddite.

AYUB 38:8

Isaite naṛṛuuddu ngara ipakkappingnga laudda sutempo wuassu tiannu runia sinumabbangnga ua'ene?

DARALO 46:3

Ne i ite tawe mata'utta, salaiwe runia umio'a, wuṛṛu manga wowone mawontolla su ṛanassu tahal᷊oangnga;

YESAYA 64:2

naal᷊ihidda putungnga mappaṛṛenggamu alu wuṛṛu napahoggokku ua'e. Papal᷊iattaa'e taṛṛino-Nu su manga seen-Nu, na'oman sara manga walahanna mangngiladda su saruan-Nu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

AMOS 4:12

Ana waugu udde, ei umattu Israel, i Ya'u sarun makkuumanni yamiu. Nariaddi, pandiahite sumaruanna ṛuumanna apan Ta'u iema'a si yamiu!”

1 MARARATU 13:28

I tou naasangkalla winal᷊unannu nabi wuassu Yehuda udde ta'e uatattere su lal᷊anna ringannu keledai wuṛṛu singa maranine. Singa udde tawe tinumambo keledai udde, wuṛṛu tawe inuminassa winal᷊unanna udde.

AYUB 37:24

Ana waugu i Tou ṛinone addatannu anambon taumata, wuṛṛu taumata apan mangnga'u pande tawe panduan-Ne.”

YEREMIA 31:35

Matannallo nisaddia Mawu ipanemakka allo; wul᷊anna wuṛṛu manga anumpitanna ipannemakka ṛabbi. Tahal᷊oangnga niongkene na'oman sara nallua'a, Mawu Apan Lembontaṛṛino, uddewe aranne.

YUNUS 1:16

Manga mamanaran apalla udde nabbal᷊i lembon matta'uttu Mawu, wuṛṛu napawe su ammarannete, i mangitou nangonggollu sasamba wuṛṛu nangimben al᷊awo'u hatin sasamba su Mawu.