YEREMIA 5:17 - WUKE SUSI WATTI'U AL᷊AL᷊USASSA

¹⁷ I mangitou sarun manginsue hessin leta'a wuṛṛu annu see lai mamate manga anangngu. Sapi wuṛṛu dombanu sarun ṛatanni mangitou, wuṛṛu manga waillu anggore see manga alun aranu sarun paddaṛṛanni mangitou. Manga soa pia tanda batune apan ia'asakki yamiu sarun ihohakki mangitou.

YEREMIA 5:17 Referans Kwoze

TAHIUL᷊E 28:33

Walahanna raho sarun manahuanna anambon hessin leta'a apan niasombanganni yamiu ringannu mammanara masahadda, arawe i yamiu sassane tawe maasomba manga apa tumba'u sidutu naiola'a allangnga wuṛṛu papparentanna ringannu maṛṛagissa.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

ZEFANYA 3:6

Mawu nabbisara, “I Ya'u buatte napaawul᷊in anambon balahanna; manga soan mangitou Ta'u niṛṛimunsa'a, wuṛṛu manga darandungnga see manga candin mangitou Ta'u niola'a manga tuidda. Manga soan mangitou mal᷊anna-l᷊annabba taweddu uatana'a wuṛṛu manga lal᷊anne mal᷊annabba.

HOSEA 8:14

Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

YEREMIA 8:16

Seetta poite su soan Dan; tingikku awal᷊o mangitou niaringiṛṛante wuṛṛu ahewallu wanua nabbal᷊i matta'utta. Seetta nirumanta tadea'u makkimunsa'a ahewallu wanuang kite, see lai manga soang kite wuṛṛu anambon tumanangne.”

YEREMIA 4:26

Leta'a masuwukka nabbal᷊i wadda'a mamara, manga soa narusa nallambe tuidde, ana waugu Mawu mangke massa'u su uman-Ne. (

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

YESAYA 62:9

Arawe i yamiu apan mangngammullu pangitinganna, sarun umanna wuane wuṛṛu maddalo Mawu; wuṛṛu i yamiu apan manni'o wuan anggore, sarun ma'inumma ua'ene su rallakku Wal᷊e-U.”

YESAYA 62:8

Mawu buatte na'ire ringannu sasalu wuṛṛu sarun mapaamatta ringannu taṛṛino-Ne: “I ya'u tate lai mangonggollu gandummi yamiu su seetta; taumata raho tate lai ma'inumma anggori yamiu apan nireaanni yamiu ringannu mattinsahadda.

YEREMIA 5:18

Mawu nabbisara, “Salaiwe aroddi, sutempo udde lai uma-U tawe Ta'u pateanna.

YEREMIA 8:13

Mappulu atonna i Ya'u mangammullu uma-U ere taumata mangammullu hessin letangnge. Arawe, uma-U ere punnu anggore wuṛṛu punnu alu ara apan tawe mabbua, ewe'e lai manga rongngane tinumolangke. Ana waugu udde i Ya'u buatte namalan taumata raho rumanta wuṛṛu mangagassa wanuan mangitou. I Ya'u, Mawu, buatte nabbisara.”

LAL᷊ALLU 2:12

Ringannu nallome i mangitou lulluai maddorongnga anna wuṛṛu ua'e su inangngene. Naal᷊ihidda taumata nal᷊essa, i mangitou nawantingnga su manga lal᷊anna ana see nate su ṛiwan inangngene.

HOSEA 2:12

I Ya'u sarun mapaate manga punnu anggore wuṛṛu manga alu ara apan tumuṛṛutti tou uddewe lal᷊antakku pangangimbene su manga arangnguanne. Sarun Ta'u wal᷊uanna manga waillu anggore wuṛṛu manga waillu ara mabbal᷊i mahurangnge; manga winatangnga mal᷊aṛṛaga sarun manggohakka.

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”

YOEL 2:3

Naal᷊ihidda putungnga apan mannoṛṛobba wuṛṛu maatutungnga i mangitou nangepoddu al᷊awo'u sasuanna. Dorone, wanua udde naal᷊ihidda Eden, waillu Mawu, wua'udde, naal᷊ihidda wadda'u anne apan maṛṛasa. Tawe saran sambau apan nallambe, taweddu naatal᷊angnga wuassu aenggenni mangitou.