YEREMIA 49:7 - WUKE SUSI WATTI'U AL᷊AL᷊USASSA

⁷ Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

YEREMIA 49:7 Referans Kwoze

YEREMIA 49:20

Ana waugu udde, paddaringikke apa apan buatte Ta'u nihol᷊aga su saruannu taumatan Edom, wuṛṛu apa apan Ta'u olaanna su saruannu tumana'u soan Teman. Al᷊aṛṛana'i mangitou sarun iapidda inai, wuṛṛu anambon taumata mangngiladdu atata'utta.

PANDARIADDI 36:15

Indiwe timmadu ṛuangannu papapulunni Esau: i Elifas, ana'i Esau pahul᷊une, eteudde al᷊amona manga ṛuanganna manansunna indi; i Teman, i Omar, i Zefo, i Kenas,

PANDARIADDI 25:30

Wisarane si Yakub, “I ya'u mal᷊unussa atonna. Onngol᷊e'on addio'a sayore udde.” (Ana waugu udde i tou nissago i Edom.)

AYUB 2:11

Asasilaka apan naṛṛia'a si Ayub niaringiṛṛanten hawene siri tallu, eteudde i Elifas wuassu soa Téman, i Bildad taumatan Suah wuṛṛu i Zofar taumatan Naamah. I mangitou na'ire inai mattembo wuṛṛu mappaal᷊uassu naungnge.

HABAKUK 3:3

I'o Ruata Apan Lembonsusi nirumanta wuassu Teman, I'o nirumanta wuassu panenteannu Paran. Langitta aoosannu awawantu-Gu; runia napenen daralo Si'o.

YOEL 3:19

Mesir sarun maola'a wadda'a apan mamara, wuṛṛu Edom mabbal᷊i lol᷊okka, tawe atanaannu taumata. Ana waugu i mangitou buatte namangalo taumatan Yehuda, wuṛṛu namate tumana'u wanua apan tawe pasasal᷊ane.

DANIEL 11:41

Ewe'e lai leta'a apan maṛṛansangnga sarun pangaloanne lai, wuṛṛu pul᷊one su ṛiwune taumata sarun pateanne. Arawe manga araratuannu Edom, Moab wuṛṛu wageangnge apan ahunanne wuassu araratuannu Amon sarun masal᷊amatta.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YESAYA 29:14

Ana waugu udde i mangitou sarun Ta'u paṛṛindu'anna ringannu puul᷊anna masokka-sokka. Taumata pande sarun mabbal᷊i woddo, wuṛṛu anambon apapande mangitou udde tawe gunane.”

DARALO 137:7

Oh Mawu, naungewe inolaannu taumatan Edom sutempo Yerusalem nihohakka. I mangitou nabbisara, “Ṛaa'e, ṛaa'e maddatingngu manga rapappakke!”

AYUB 4:1

Ne i Elifas nabbisarate, wisarane: “Ayub, i'o tawe sumassilla amungkangngu i ya'u mabbisara? I ya'u tawe maataṛṛangnga tumaniten mal᷊annu uatinannanga.

1 TAWARIKH 1:53

Kenas, Teman, Mibzar,

TAHIUL᷊E 23:7

Imbaṛṛangnga mangadio'a taumatan Edom ana waugu i mangitou udde tuṛṛangngu. Imbaṛṛangnga lai mangadio'a taumatan Mesir, ana waugu i yamiu buatte natana'a su wanuan mangitou.

PANDARIADDI 36:8

Ne i Esau apan isassago lai i Edom, namanuate su wageangngu panenteannu Seir.

PANDARIADDI 27:41

Ne i Esau nasaseeten i Yakub ana waugu iamangnge buatte nangonggollu al᷊amanne su tuarine udde. Su ṛingidde, “Tate mal᷊annu lai i papa mate wuṛṛu napawe nal᷊iudde orassa lullal᷊o, i Yakub sarun ta'u pateanna!”

PANDARIADDI 32:3

Wua'udde i Yakub nandolokku manga pira daroloṛṛanne umamatta malliu ṛoro waussi tou watukku wanua Edom inai maisasomban Esau, iaangnge.

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEHEZKIEL 32:29

Edom poiaroddi ringannu anambon ratu wuṛṛu tembonanne. Dorone i mangitou udde manga tantara apan matohassa, arawe orassa indi i mangitou ual᷊allowangke su runian taumata nate su sampunna ringannu manga taumata nate waine apan waggan Duata.

YESAYA 21:11

Eteindi tanata su ola'u Edom. Pia taumata u'ui si ya'u wuassu Edom, “Ei, mandariaga, ta'e mal᷊annu lai ṛabbi indi pirang ka'orassa lai maddatingngu marua'allo?”

LAL᷊ALLU 4:21

Ei walahannu Edom wuṛṛu Us, ore lallagete, lalluasse, suapawe ta'e wotongne! Asasilaka sarun rumanta lai ringannu wuṛṛu ana waugu wu'anna i'o nanantol᷊e watangannu.