YEREMIA 49:5 - WUKE SUSI WATTI'U AL᷊AL᷊USASSA

⁵ I yamiu sarun aṛṛiaannu araṛṛagissa apan Ta'u iaparanta wuassu anambon tampa. I yamiu sarun tumal᷊angnga, sambau-sambau maddea'a manal᷊amatta watanganne sassane, wuṛṛu tateddu lai manggemonna yamiu apia.

YEREMIA 49:5 Referans Kwoze

YEREMIA 49:29

Aṛṛote manga domba, unta, see lai manga rasanni mangitou ringannu al᷊awo'u lal᷊oṛṛone, wuṛṛu panginutul᷊ite si mangitou, ‘Pangalo uapal᷊iwutte si yamiu!’

YEREMIA 46:5

Arawe i Ya'u, Mawu, ma'asilo si mangitou sinumoṛṛotta matta'utta. Manga tantara mangitou niwaddo, wuṛṛu tinumal᷊angngu atata'utta ringannu tawe nanaille liudde.

AMOS 4:3

I yamiu sarun wolenganna watukku Hermon wuṛṛu ituntungnga su liudde, sangkatou-sangkatou wuassu loṛṛangngu darandungnga apan aranianne. I Ya'u Mawu buatte nabbisara.”

YEREMIA 20:4

Mawu sassane nabbisara, ‘I'o sarun Ta'u olaanna pangalo su watangannu sassane wuṛṛu su manga hawenu. I'o sarun maasilo i mangitou pateannu seetti mangitou. Anambon taumatan Yehuda sarun Ta'u iwala tataṛṛinoannu ratun Babel; sambageanganna wuassi mangitou sarun iapidde maola'a tawananna watukku Babel, wuṛṛu lambene sarun pateanna.

YEREMIA 15:8

Wanuanu sarun mapenen inawal᷊uanna, lumebbe wuassu anne su apanne anambone. Manga taumata sarun Ta'u pateanna sutempo ta'e umbasanna na'oman sara inangngi mangitou massusa. Sutempo allo i Ya'u mandanta sangkatou taṛṛa pate si mangitou ma'oman sara i mangitou maapendamma atata'utta wuṛṛu ussinggawangnga.

YESAYA 16:3

I mangitou nabbisara su walahannu Yehuda, “Wal᷊oa'e apa apan ṛinone olaanni yami. Ariaddite si yami pattillummanna apan masunge wuassu paddissu allattune, wuṛṛu wala'e i yami matana'a su al᷊ungnge. I yami indi tumatal᷊angnga; wunia'e i yami wuṛṛu arie pappate i yami.

AMSAL 28:1

Taumata lal᷊eo tuttal᷊angnga ringannu taweddu mangangenggenne, arawe taumata matul᷊idda, waṛṛani ere singa.

AYUB 15:21

Manga tingikka ma'ikkatta mammengella tal᷊ingane; sutempo apan malangnganna maraṛṛampassa rumanta mamangalo si tou.

2 MARARATU 19:7

Mawu sarun ma'ola'a ratun Asyur mangimanna watti'u manu'u salleanna ma'oman sara i tou mabelenga watukku wanuane sassane, wuṛṛu poiaroddi i tou sarun pateanna.”

YOSUA 2:9

wuṛṛu nabbisara sitarua, “I ya'u masingkatta Mawu buatte nangonggolu wanua indi si yamiu. Anambon taumata isindi matta'utti yamiu.

YEREMIA 16:16

Mawu nabbisara, “I Ya'u sarun mamaggo manambo samakka iapasametta manga taumata indi. Wua'udde i Ya'u mamaggo manambo matataṛṛia su iapasametta si mangitou suapan bowone wuṛṛu wuidda, wuṛṛu su manga loṛṛangngu wuidda watu.

LAL᷊ALLU 4:15

Taumata mabbisara, “Pangingkatte wua isindi! I yamiu nallal᷊uhuranna, arie pangaggassa si yami!” Ne i mangitou inaite wuṛṛu mammal᷊intaddu manga walahanna, arawe tawe niwala matana'a wuassi sai-sai lai.

YEREMIA 6:25

I mangitou tawe waṛṛani lumintukka watukku lal᷊anna ara'e inai su wailla, ana waugu suapan tampa seetta apan pia ahidde sidutu mammate.