YEREMIA 49:37 - WUKE SUSI WATTI'U AL᷊AL᷊USASSA

³⁷ i ya'u sarun ma'ola'a taumatan Elam matta'uttu seetta apan mamate si mangitou. I Ya'u tumaniten nasa'u si mangitou wuṛṛu sarun makkimunsa'a si mangitou. Sarun Ta'u irolokka tantara iapapangalo si mangitou ma'oman sara i mangitou maṛṛadda'a abbi.

YEREMIA 49:37 Referans Kwoze

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

YEREMIA 48:2

nawul᷊ite awawunga Moab. Seetta napangaṛṛote Hesybon wuṛṛu poiaroddi i mangitou manggol᷊aga manginsue anambon balahannu Moab. Manga tingikka su soa Madmen sarun iapataalla, ana waugu soa udde sarun pangaloannu tantara.

YEHEZKIEL 12:14

Anambon lal᷊oṛṛon bal᷊en araratuanna, nasutta manga mananantiro wuṛṛu mandariaga ratu sarun Ta'u isal᷊iawukka su al᷊awo'u tampa. I mangitou sarun Ta'u enggenanna wuṛṛu Ta'u pateanna.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 5:2

Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

YEREMIA 50:36

Matete manga nabi su Babel! I mangitou taṛṛa awusu wuṛṛu longonna. Natete tantaran Babel apan matohassa! Aroddi ata'unne i mangitou!

YEREMIA 49:29

Aṛṛote manga domba, unta, see lai manga rasanni mangitou ringannu al᷊awo'u lal᷊oṛṛone, wuṛṛu panginutul᷊ite si mangitou, ‘Pangalo uapal᷊iwutte si yamiu!’

YEREMIA 49:24

Tumana'u Damsyik nallome, wuṛṛu tuttal᷊angngu atata'utta. I mangitou sussal᷊iomanna wuṛṛu uatataṛṛangnga ere wawine apan mangunsiwete.

YEREMIA 49:22

Naal᷊ihidda manu'a asiaṛṛe mangngametta ringannu papaidda uasiappakka, aroddi lai seetta sarun dumanta wuṛṛu mangametta Bozra. Su allo udde tantaran Edom sarun mata'utta ere wawine apan mangunsiwete.”

YEREMIA 49:5

I yamiu sarun aṛṛiaannu araṛṛagissa apan Ta'u iaparanta wuassu anambon tampa. I yamiu sarun tumal᷊angnga, sambau-sambau maddea'a manal᷊amatta watanganne sassane, wuṛṛu tateddu lai manggemonna yamiu apia.

YEREMIA 48:39

Moab naṛṛimunsa'e! Asasiliwe eteapa su Moab! I tou lulluai ana waugu buatte nihelo wuṛṛu naola'a papal᷊agge manga walahanna maranine. I Ya'u, Mawu, buatte nabbisara.”

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YEREMIA 49:38

Manga ratu wuṛṛu manga tembonanni mangitou sarun Ta'u ṛimunsaanna, wuṛṛu su wanua mangitou sarun Ta'u iaparisikka adderan araratuang-Ku.

YEREMIA 9:15

Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.