YEREMIA 49:3 - WUKE SUSI WATTI'U AL᷊AL᷊USASSA

³ Ei taumatan Hesybon, lalluaite ana waugu soan Ai naṛṛimunsa'e! Ei manga wawinen soa Raba, lallute! Palluṛṛete nasa karongnga tatiala massusa. Tal᷊angke pa'auwelenganna napenen awawingo. Milkom mongannu sarun iapidda su pamamuanganna suadio'a ringannu manga imam wuṛṛu manga tembonannu pamarentane!

YEREMIA 49:3 Referans Kwoze

YEREMIA 48:7

Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YESAYA 15:2

Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.

YEREMIA 46:25

Mawu Apan Lembontaṛṛino, Ruatan Israel, nabbisara, “I Ya'u sarun makkuumannu Amon, monganna wuassu Tebe, ahewallu Mesir ringannu manga monganne wuṛṛu manga ratune. Ratu Mesir wuṛṛu anambon taumata apan uatantaṛṛimanna tou

YEREMIA 4:8

Ana waugu udde, luaite wuṛṛu lallute, palluṛṛeten karongnga tatialan lullal᷊o. Ana waugu asasa'u Mawu apan nangillembo taambe lai nompo'a wuassu Yehuda.

2 MARARATU 23:13

See lai manga mezbah su Yerusalem samba'an ra'i, su samba'a timukku Wuiddu Al᷊al᷊eo nisaparanna. Manga mezbah udde niaparisikki Ratu Salomo ipassubba manga monganna apan ma'arantinna – eteudde Asytoret mongannu walahannu Sidon, Kamos mongannu walahannu Moab, wuṛṛu Milkom mongannu walahannu Amon.

1 MARARATU 11:33

I Ya'u sarun ma'ola'a olangnge udde ana waugu i Salomo buatte nanantang-Ku wuṛṛu massubba manga monganna, eteudde; Asytoret, mongannu walahannu Sidon; i Kamos, mongannu walahannu Moab; wuṛṛu i Milkom, mongannu walahannu Amon. I Salomo tate tumuṛṛutta apulu-U. I tou tawe ere iamangnge Daud apan matuṛṛutta si Ya'u wuṛṛu mappaamattu manga parenta-U.

1 MARARATU 11:5

I Salomo massuba si Asytoret, mongannu walahannu Sidon, wuṛṛu lai si Molokh monganna apan ma'arantinna apan sassubannu walahannu Amon.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

AMOS 1:15

Ratun mangitou wuṛṛu manga tembonannu araratuane sarun ṛuwoanna watukku pamuanganna. I Ya'u, Mawu, buatte nabbisara.”

YEREMIA 51:8

Arawe inaṛṛombanganne Babel nanawo wuṛṛu napesangnga. Luaie'o i tou, wuṛṛu rea'ete undamma pangundama'a manga lessane, asinungka i tou wotongnge mapia.

YEREMIA 49:1

Eteindi wisara Mawu su ola'u Amon, “Anio leta'u ṛuangannu Gad niaṛṛo wuṛṛu niatanaannu manga taumata apan massubba si Monganna Milkom? Apa piate lai taumatan Israel apan botongnge manahekku leta'a udde?

YEREMIA 48:20

I mangitou sarun sumimbakka, ‘Moab nanawote wuṛṛu nahelote, ana waugu udde lalluaite si tou. Al᷊iata'e su al᷊o'engngu Sal᷊ukku Arnon manungku Moab naṛṛimunsa'e.’ ”

YEREMIA 48:2

nawul᷊ite awawunga Moab. Seetta napangaṛṛote Hesybon wuṛṛu poiaroddi i mangitou manggol᷊aga manginsue anambon balahannu Moab. Manga tingikka su soa Madmen sarun iapataalla, ana waugu soa udde sarun pangaloannu tantara.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

YESAYA 23:6

Lalluaite, wuṛṛu tal᷊angke watukku Spanyol, ei tumana'u winggin sahatta!

YESAYA 23:1

Eteindi tanata su ola'u Tirus. Ei manga masasenggotta wuassu Spanyol apan mammare laudda, lalluaite! Sutempo massenggotta mapul᷊e wuassu Siprus, i yamiu niwal᷊oanna manungku soa Tirus nahohakke. Lawuanna wuṛṛu manga wal᷊ene naola'e winalal᷊anna.

YESAYA 16:7

Ana waugu udde wala'ewe walahannu Moab ualal᷊uaite. Wala'e i mangitou lumuai amungkangngu maanaungnga anna matemangnga apan wiasane iwabbo'o mangitou su soa Kir-Hareset. Wala'e i mangitou maaddio'a naungnga wuṛṛu ma'uare.

YESAYA 14:31

Lalluaite, wuṛṛu pangintul᷊ite pa'iontolla, ei manga soan Filistin! Ṛinone i yamiu sarangkanambone maggion atata'utta! Winabbawa awu sussal᷊oi wuassu sawannakka mammasingkattu darantan seetta; tawe taumata matal᷊o suwallatti mangitou.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YOSUA 8:28

I Yosua nanutungnga Ai, wuṛṛu niwala tuidde ara'e lannangnge wal᷊en nahoakka sara orassa indi.

YOSUA 7:2

Su tempo udde i Yosua nandolokku siri piran katou wuassu Yerikho watukku Ai, eteudde sambau soa su samba'a ra'in Betel, maranin Bet-Awen. Manga taumata udde nirolokka niapaparikissa wanua udde. Napawe i mangitou buatte na'ola'a manara udde,

YOSUA 8:1

Mawu nabbisara si Yosua, “Ammul᷊a'e tantaranu wuṛṛu roote ringanni mangitou watukku Ai. Arie suminggawanga wuṛṛu arie mata'utta! I Ya'u sarun mangonggolu auntunganna si yamiu su ratun Ai. Tumanangnge, soane wuṛṛu wanuane sarun Ta'u anuanna.

2 SAMUEL 11:1

Manga ratu inanaramanne mapapangalo sutempo rongnga mallal᷊uwo. Ne sutempo rongnga mallal᷊uwote su tonna udde i Daud nandolokki Yoab inai mapapangalo suadio'a ringannu manga piaṛṛa'u tantarane wuṛṛu anambon tantaran Israel; ana see i mangitou namaddoten taumatan Amon wuṛṛu namangalo soa Raba. Arawe i Daud natana'a su Yerusalem.