YEREMIA 49:28 - WUKE SUSI WATTI'U AL᷊AL᷊USASSA

²⁸ Eteindi apan niwisara Mawu su ola'u ṛuanganni Kedar wuṛṛu manga wageangngu leta'a paparentanni Hazor, apan buatte niaṛṛo Nebukadnezar ratun Babel, “Ei Nebukadnezar, pangaloite ṛuangannu Kedar wuṛṛu patete manga taumata su samba'an ra'i!

YEREMIA 49:28 Referans Kwoze

YESAYA 11:14

I mangitou suadio'a sarun mamangalo taumatan Filistin su waṛṛatta wuṛṛu mangaṛṛo pabbawalage su ra'i. I mangitou sarun mamaddon walahannu Edom wuṛṛu Moab, wuṛṛu walahannu Amon sarun massuṛṛubbawa si mangitou.

MAL᷊AṚṚUUNGNGA 6:3

Wuṛṛu naatamba lai, suapan mabbawaillu Israel apan mangasi'a wawail᷊anne, taumata Midian rumantate su sambau ringannu taumatan Amalek wuṛṛu manga taumata waine wuassu wadda'u anne mammangalo taumatan Israel.

PANDARIADDI 25:13

I Ismael naasomba ana'a siri mapul᷊o dua apan isassago isindi tumuṛṛutu allo niasungkanganne; i Nebayot, i Kedar, i Adbeel, i Mibsam, i Misyma, i Duma, i Masa, i Hadad, i Tema, i Yetur, i Nafis wuṛṛu i Kedma. Al᷊aṛṛana'a udde naola'a iupungngu al᷊amona mapul᷊o dua balahanna, wuṛṛu ampunga wuṛṛu paddasananni mangitou nisago tumuṛṛutu manga aranni mangitou.

YEHEZKIEL 27:21

Taumatan Arab wuṛṛu tembonannu leta'u Kedar namalli manga saranapanu ringannu ana'u domba, domba esakka wuṛṛu ambingnga. Su ipamalli manga saranapanu manga mabbawal᷊u'a wuassu Syeba wuṛṛu Raema nangapiddu manga permata, wul᷊awanna wuṛṛu rampa-rampa apan apianne.

YEREMIA 49:14

I ya'u, Yeremia, mabbisara, “Ei Edom, i ya'u buatte nanengkamma sambau watti'a wuassu Mawu. I tou buatte nandolokku daroloṛṛanna ringannu manga walahanna tadea'u mandolokki mangitou mangammullu tantara wuṛṛu mandiahite inai mamangalo si'o.

YEREMIA 2:10

Sallete apannu Siprus samba'an waṛṛatta, pandolokken taumata su samba'an ra'i watukku wanua Kedar, pamarikisse poiaroddi ringannu ma'udduppa, apa buatte nariaddi sambau hatto apan uasul᷊ungnga?

YEREMIA 49:33

Hazor sarun iwala aroddi saran mal᷊annu-l᷊annu wuṛṛu maola'a tampa pa'imbuniannu asun ahuranganna. Taweddu saran sangkatou apan matana'a poiaroddi lai. Ia'iu, Mawu, buatte nabbisara.”

YESAYA 42:11

Ṛinone wadda'u anne wuṛṛu manga soane maddalo Mawu, mappianne tumana'u Kedar maddalo si Tou! Ṛinone tumana'u soa Sela umui lullala'a, wuṛṛu mangngintul᷊i wuassu puiddu wowone!

YESAYA 21:13

Eteindi tanata su ola'u Arab: Ei, taumatan Dedan, manga kafilanu naddasanna su anggaṛṛumunannu Arab.

ANTARI MAWANTUGA 1:5

Salaiwe ma'itumma, i ya'u maṛṛamaga, ore manga maṛṛualan Yerusalem; ma'itumma ere manga rasannu Kedar, arawe maṛṛansangnga ere manga pampele su wal᷊en araratuanni Salomo!

AYUB 1:3

Wua'udde lai i tou uatahuanna manambo allangnga, 7.000 domba, 3.000 unta, 1.000 sapi wuṛṛu 500 keledai. Aunne, ete i tou taumata apan aalanne su wallattu tumanangnge su samba'a Ra'i.

1 TAWARIKH 1:29

Eteindi manga ana'i Ismael: i Nebayot, iapa pahul᷊une, wua'udde i Kedar, i Adbeel, i Mibsam,

PANDARIADDI 25:6

su al᷊o'engngu pinabbiaṛṛanne i tou nangonggollu manambo aonggolla su manga ana'a apan niasombanganne wuassu manga awingnge waine. Wua'udde manga al᷊aṛṛana'a udde nirolokka nangingkatta watukku wageangngu leta'a su samba'a ra'in Kanaan, tadea'u marau wuassi Ishak anangnge.

DARALO 120:5

Nasilakate i ya'u ana waugu sidutu mabbiakka ringannu; tawe paṛalane ere uatana'a su Mesekh, ara'e suwallatu taumatan Kedar.