YEREMIA 49:19 - WUKE SUSI WATTI'U AL᷊AL᷊USASSA

¹⁹ Naal᷊ihidda singa sinumabbangnga wuassu mahurangnge maranin Sal᷊ukku Yordan wuṛṛu nirumanta su wadda'a tampa domba u'anna nannal᷊o, aroddi lai Ya'u sarun dumanta wuṛṛu mapatal᷊angngu taumatan Edom wuassu wanua mangitou ringannu mamaroro. Wua'udde i Ya'u sarun mamile sangkatou piaṛṛa'a iapaparenta walahanna udde. Isai wotongnge isul᷊unga si Ya'u? Isai waṛṛani ma'ola'a hatto ringang-Ku? Apa pia piaṛṛa'a apan botongnge lumawangnga si Ya'u?

YEREMIA 49:19 Referans Kwoze

YEREMIA 12:5

Mawu nabbisara, “Yeremia, amungkangngu i'o nallomete mattalummu taumata, tawe mariaddi i'o mattalummu awal᷊o? Amungkangngu su leta'a apan mal᷊angnganna i'o matta'utta, apate apan olaannu amungkangngu i'o su mahurangnge maappalla su winggin Yordan?

YEREMIA 30:21

Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”

AYUB 41:10

I tou mal᷊aṛṛaga amungkangngu pu'oanna tantal᷊anna mattiilla; tawe saran sangkatou apan waṛṛani dumarisikka su saruanne.

AYUB 9:19

Ṛinonewe i ya'u mabbawul᷊on Tou? Arawe pa'ellega, tawe sul᷊ungnge auatan-Ne! Unnuwisara si Tou i ya'u mangalaen Tou, isai waṛṛani mamaggo si Tou su pallaṛṛuunganna?

SASABANGNGA 15:11

Ruata suapane apan botongnge maasul᷊ungnga Si'o, oh Mawu Apan Lembon Mawantuga wuṛṛu na'ukkassa? Isai wotongnge mappa'ola'a manga al᷊aṛṛindu'a wuṛṛu inolaanna apan bahewalla ere Mawu?

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”

ZAKARIA 11:3

Paddaringikke lal᷊uai manga tembonanne nawul᷊ite awawantugi mangitou! Paddaringikke wawassingngu manga singa su mahurangnge; ana waugu nahohakke atatanaanni mangitou su al᷊o'engngu Sal᷊ukku Yordan.

NAHUM 1:6

Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YESAYA 40:25

Isai apan su pendamannu nassul᷊ungngu Ruata Apan Lembon Na'ukkassa? Ringanni sai i'o ma'apulu manul᷊ungngi Tou?

DARALO 143:2

I ya'u indi allang-Ngu, ariewe i ya'u ṛuunganna, ana waugu tawe taumata apan tawe sal᷊ane su saruan-Nu.

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

DARALO 89:6

Ammul᷊annu surga maddalo manga inolaan-Nu apan maatiangnga, wuṛṛu mangngantarin apapia-Nu, Mawu.

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

AYUB 9:21

I ya'u tawe nassal᷊a arawe i ya'u tawe pandumme. I ya'u nualle mabbiakka. Si ya'u tateddu lai pia gunane; iapa nassal᷊a wuṛṛu iapa naṛṛino mangke uasul᷊ungke nasimme: Ruata sarun mamate abbi sitarua.

1 TAWARIKH 12:15

Buatte nariaddi su wul᷊anna paarorone, sutempo Sal᷊ukku Yordan tantal᷊anna mammanawangnga manga piaṛṛa'u tantara udde tinumumbe sal᷊ukka udde wuṛṛu nallimbuakka tumana'u manga wawal᷊anne, mawae ete su samba'an ra'i aroddi lai su samba'a waṛṛattu sal᷊ukka udde.

REENGANNA 16:5

Ana see i tou nabbisara si Korah wuṛṛu mallal᷊aṛṛenggene, “Tiṛṛabbi marua allo Mawu sarun mapal᷊iatta'a si ite isai pussa'a-Ne, wuṛṛu isai apan niṛṛaen Tou. Taumata apan nipile-Ne sarun iwala mangundanin Tou.

YESAYA 46:9

Naungete manga apan nariaddi sutempon dorone; panga'ute manungku i Ya'u Ruata, wuṛṛu tawe baine, i Ya'u Ruata, wuṛṛu taweddu ere i Ya'u.

2 TAWARIKH 20:6

wuṛṛu inumal᷊iomanna ringannu tingikka ma'ikkatta, “Oh Mawu, Ruatan al᷊amonan kami! I'o Ruata su surga wuṛṛu uaparenta anambon walahanna su runia. I'o mataṛṛino wuṛṛu matohassa; tawe saran sangkatou apan wotongnge lumawangnga Si'o.

DARALO 76:8

Mangke wahewalla atonna I'o! Amungkangu I'o masa'u, isai wotongnge maataṛṛangnga?

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

DANIEL 7:4

Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.