YEREMIA 49:17 - WUKE SUSI WATTI'U AL᷊AL᷊USASSA

¹⁷ Mawu nabbisara, “Asasilaka apan naṛṛia'a su Edom sarun aroddi ahewalle na'oman sara suapan taumata apan umamatta isudde sarun ṛumindu'a wuṛṛu mata'utta.

YEREMIA 49:17 Referans Kwoze

YEHEZKIEL 35:7

Manga soanu su panenteannu Edom sarun Ta'u olaanna mal᷊annaba wuṛṛu suapan taumata apan umamatta isudde sarun Ta'u pateanna.

YEREMIA 50:13

Ana waugu i Ya'u nasa'u, ne Babel sarun mallambe ete tuidda wuṛṛu taweddu matana'a. Sarangkanambone apan sumabbi isudde sarun ṛumoro wuṛṛu mata'utta.

YEREMIA 49:13

I Ya'u massalu ringannu arang-Ku sassane manungku soa Bozra sarun maola'a tampa apan ma'ata'utta apan nitantangngu taumata. Taumata sarun lumagene wuṛṛu mappaattu aranne maola'a wawontoga. Anambon ampungnga maranine sarun mabbal᷊i winal᷊alanna saran mal᷊annu-l᷊annu. I Ya'u, Mawu, buatte nabbisara.”

YEREMIA 51:37

Wanua udde sarun maola'a wil᷊alanna, tampa pa'imbuniannu asun ahuranganna. Taumata matta'utta maasilo udde, wuṛṛu tawe saran sangkatou apan mappulu matana'a poiaroddi.

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

1 MARARATU 9:8

Wal᷊en patataṛṛamawuanna indi sarun maola'a ere winal᷊al᷊anna niomboanna na'aman sara suapan taumata apan sumabbi isudde sarun ṛumindu'a wuṛṛu mata'utta. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

MIKHA 6:16

Sarangkanambone udde mariaddi ana waugu i yamiu tuttantalongnga manga inolaanni Ratu Omri wuṛṛu anangnge apan dal᷊eo, eteudde Ratu Ahab. I yamiu mattanno manga pallal᷊aghun mangitou. Ana waugu udde i Ya'u sarun makkimunsa'a si yamiu, wuṛṛu i yamiu sarun al᷊uandahanna wuṛṛu lobbosannu al᷊awo'u walahanna.”

YEHEZKIEL 35:15

ere lai i yamiu mal᷊uassa sutempo maasilo Israel passa'a-U, nabbal᷊i mal᷊annabba. Manga wowon Seir, ewe'e lai ahewallu leta'u Edom sarun mabbal᷊i mal᷊annabba. Ne anambon taumata sarun maasingkatta manungku ete i Ya'u Mawu.’ ”

YEHEZKIEL 25:13

Ana waugu udde i Ya'u mangal᷊iata manungku i Ya'u sarun makkuumannu Edom wuṛṛu mamate suapan taumata wuṛṛu suapan binatangnga poiaroddi. Ahewallu wanua udde, wuassu soa Teman maddatingngu soan Dedan, Ta'u olaanna mal᷊annabba; tumanangnge sarun mate sulal᷊ummu pangalo.

TAHIUL᷊E 29:22

Su allo addantane, papapulunnu wuṛṛu taumata raho wuassu wanua marau sarun maasilo manga asasilaka wuṛṛu asasusa apan niaparantan Mawu su wanuanu.

YEHEZKIEL 27:36

I'o nawul᷊i tawe baddi'a saran mal᷊annu-l᷊annu. Manga mabbawal᷊u'a su ahewallu runia nabbal᷊i niṛṛumindu'a ana waugu matta'utta sarun aṛṛiannu pal᷊addu wiakka ereudde.”

YEHEZKIEL 35:3

Wal᷊oa'e su tumanangne apa apan i Ya'u Mawu Apan Atanggaṛṛanne nabbisara si mangitou, ‘I Ya'u indi seennu, e tumana'u penenteannu Edom! Letangngu sarun Ta'u olanna mal᷊annabba tawe lal᷊oṛṛone, wuṛṛu manga soanu sarun mabbal᷊i winalal᷊anna. Ne i yamiu masingkatte manungku ete i Ya'u Mawu.