YEREMIA 48:9 - WUKE SUSI WATTI'U AL᷊AL᷊USASSA

⁹ Re'eta'e watun labbingngu Moab, ana waugu tate mal᷊annu lai wanua udde sarun ṛimunsaanna. Manga soane sarun mahohakka wuṛṛu tate saran sangkatou apan uatana'a poiaroddi.”

YEREMIA 48:9 Referans Kwoze

YEREMIA 48:28

I yamiu tumana'u Moab, tantanga'e manga soanu wuṛṛu atana'e su wuiddu watu ere manu'a merpati ma'ola'a sal᷊akke su rampissa ilingnga.

YESAYA 16:2

Manga taumatan Moab uaṛṛaddo su wiwikku Sal᷊ukku Arnon lapiddu u'amatta niwingone naal᷊ihidda manga manu'u winalanganna apan nilimbuaṛṛanna wuassu sal᷊akke.

DARALO 11:1

Su piaṛa'u mangangantari. Daralon Daud. I ya'u uasirungnga su Mawu; tawe gunane mabbisara si ya'u, “Panal᷊amatte watangannu naal᷊ihidda manu'u winalanganna tuttala'a watukku wowone.

SONDAPPA 12:14

Arawe wawine udde nionggol᷊annu darua papaiddu manu'a rajawali apan mal᷊alakka, tadea'u i tou tumalla'a su tampa atanaanne su wadda'a, suapa i tou sarun paddul᷊iananna tallu tonna annumu wul᷊anna al᷊annune, mal᷊iuda wuassu aenggenu naga udde.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

YEREMIA 46:19

Pandiahite, tumana'u Mesir, maola'a tawananna wuṛṛu iapidda inai! Memfis sarun maola'a tuidda – tampa apan mal᷊annabba ana waugu tawe atanaanna.

DARALO 55:6

I ya'u aintaṛoannu sasinggawanga wuṛṛu atata'utta, aatongannu apendamma maṛṛaubba.

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”