YEREMIA 48:7 - WUKE SUSI WATTI'U AL᷊AL᷊USASSA

⁷ Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

YEREMIA 48:7 Referans Kwoze

REENGANNA 21:29

Ore walahannu Moab, i'o nasilakate! Matataṛṛamawu si Kamos, i'o matete! I'o niwalan mongannu mabbal᷊i tumatal᷊angnga, manga wawinenu mabbal᷊i taumata nisamettu ratun Amori.

YEREMIA 49:3

Ei taumatan Hesybon, lalluaite ana waugu soan Ai naṛṛimunsa'e! Ei manga wawinen soa Raba, lallute! Palluṛṛete nasa karongnga tatiala massusa. Tal᷊angke pa'auwelenganna napenen awawingo. Milkom mongannu sarun iapidda su pamamuanganna suadio'a ringannu manga imam wuṛṛu manga tembonannu pamarentane!

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

DARALO 52:7

Arawe i'o sarun pateannu Ruata sarangkal᷊o'engnge; i'o sametanna wuṛṛu wol᷊enganna wuassu wal᷊enu, wuṛṛu iapawul᷊i wuassu runian taumata wiakka.

1 TIMOTIUS 6:17

Su manga taumata ala su runia indi, ṛinone i'o maddorongnga tadea'u i mangitou arie mamunga wuṛṛu arie mangantimma manga sarannapa apan tawe tantune – ereudde paa'ala. I mangitou ṛinone pia antimma su Ruata apan mangonggolu al᷊awo'a si ite ringannu manambo tadea'u i ite wotongnge maatemma paa'ala udde.

HOSEA 10:13

Arawe i'o na'ola'a al᷊aṛṛaene; i'o maddea'a ma'ola'a al᷊al᷊eo, wuṛṛu maddea'a pallal᷊inga. I'o buatte niumanna manga pabbawuan awusunu.” Mawu nabbisara apia, “Ei walahannu Israel, ana waugu i yamiu mangngasakku manga keretan pangalonu wuṛṛu anambon manga tantaranu,

YEREMIA 48:46

Nasilakate Moab! Tumanangne apan massubba si Monganna Kamos buatte nipate, wuṛṛu al᷊aṛṛana'i mangitou niṛṛootta maola'a tawananna.

YEREMIA 48:13

Moab sarun sumassilla si Kamos, monganni mangitou, ere lai taumatan Israel sinumassilla su Betel apan iaasakki mangitou udde.

1 MARARATU 11:33

I Ya'u sarun ma'ola'a olangnge udde ana waugu i Salomo buatte nanantang-Ku wuṛṛu massubba manga monganna, eteudde; Asytoret, mongannu walahannu Sidon; i Kamos, mongannu walahannu Moab; wuṛṛu i Milkom, mongannu walahannu Amon. I Salomo tate tumuṛṛutta apulu-U. I tou tawe ere iamangnge Daud apan matuṛṛutta si Ya'u wuṛṛu mappaamattu manga parenta-U.

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’

YEREMIA 43:12

I Ya'u sarun mande'omma putungnga su manga kuillu manga mongannu Mesir, wuṛṛu ratun Babel sarun manoṛṛobba manga paal᷊uanna sassubbanna su manga kuil ara'e iapidda watukku wanuane. Naal᷊ihidda sangkatou mallal᷊u'adda mammaresi laungnge wuassu utu, aroddi lai ratun Babel sarun manapu mamaresi Mesir wua'udde inaite apia ringannu taweddu maataṛṛangnga si tou.

YEREMIA 13:25

Uddewe ola'u pabbiaṛṛannu apan buatte Ta'u nitantunna ana waugu i yamiu naabul᷊i-U, wuṛṛu nangimante su manga mawu awusu.

DARALO 40:4

I Tou nangaṛṛa'a si ya'u mangantarin antari wakku, antari daralo su Ruatan kite. Manambo taumata naasilo wuṛṛu nabbal᷊i nata'utta, ana see nangimante Mawu.

1 MARARATU 11:7

Roso su wowone su samba'a ra'in Yerusalem, i tou napararisikku tampa passubbanna si Kamos, mongannu taumatan Moab, wuṛṛu si Molokh, mongannu taumatan Amon – itarua udde monganna apan ma'arantinna.

MAL᷊AṚṚUUNGNGA 11:24

Wuṛṛu orassa indi, udde anuannu apia? Leta'a apan nionggoli Kamos, mongannu udde, si'o wotongngete sidutu tatahuananni yamiu. Arawe apa apan buatte nionggolu Mawu, Ruatan kami si yami, udde sarun tahuananni yami.

2 SAMUEL 5:21

Tantaran Filistin tinumal᷊angnga ringannu tawe nangapiddu manga paal᷊uanna sassubbanni mangitou. Manga paal᷊uanna udde nianun Daud wuṛṛu tantarane.

YEREMIA 49:4

Ei i yamiu apan mal᷊awangnga! Anio i yamiu mangngunsandakku manga wawal᷊annu apan masuwukka? Anio i yamiu mangngasakku paa'alanu? Ereapa wotongnge i yamiu mabbisara manungku tawe saran sangkatou apan waṛṛani mamangalo si'o?