YEREMIA 48:46 - WUKE SUSI WATTI'U AL᷊AL᷊USASSA

⁴⁶ Nasilakate Moab! Tumanangne apan massubba si Monganna Kamos buatte nipate, wuṛṛu al᷊aṛṛana'i mangitou niṛṛootta maola'a tawananna.

YEREMIA 48:46 Referans Kwoze

REENGANNA 21:29

Ore walahannu Moab, i'o nasilakate! Matataṛṛamawu si Kamos, i'o matete! I'o niwalan mongannu mabbal᷊i tumatal᷊angnga, manga wawinenu mabbal᷊i taumata nisamettu ratun Amori.

YEREMIA 48:13

Moab sarun sumassilla si Kamos, monganni mangitou, ere lai taumatan Israel sinumassilla su Betel apan iaasakki mangitou udde.

YEREMIA 48:7

Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

1 MARARATU 11:7

Roso su wowone su samba'a ra'in Yerusalem, i tou napararisikku tampa passubbanna si Kamos, mongannu taumatan Moab, wuṛṛu si Molokh, mongannu taumatan Amon – itarua udde monganna apan ma'arantinna.

MAL᷊AṚṚUUNGNGA 11:24

Wuṛṛu orassa indi, udde anuannu apia? Leta'a apan nionggoli Kamos, mongannu udde, si'o wotongngete sidutu tatahuananni yamiu. Arawe apa apan buatte nionggolu Mawu, Ruatan kami si yami, udde sarun tahuananni yami.

2 MARARATU 23:13

See lai manga mezbah su Yerusalem samba'an ra'i, su samba'a timukku Wuiddu Al᷊al᷊eo nisaparanna. Manga mezbah udde niaparisikki Ratu Salomo ipassubba manga monganna apan ma'arantinna – eteudde Asytoret mongannu walahannu Sidon, Kamos mongannu walahannu Moab, wuṛṛu Milkom mongannu walahannu Amon.

YESAYA 16:2

Manga taumatan Moab uaṛṛaddo su wiwikku Sal᷊ukku Arnon lapiddu u'amatta niwingone naal᷊ihidda manga manu'u winalanganna apan nilimbuaṛṛanna wuassu sal᷊akke.