YEREMIA 48:44 - WUKE SUSI WATTI'U AL᷊AL᷊USASSA

⁴⁴ Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

YEREMIA 48:44 Referans Kwoze

YEREMIA 11:23

I Ya'u buatte nanantunnu tempone mandantan asasilaka su manga taumatan Anatot, wuṛṛu napawe tempon ṛuumanni mangitou nia'omante, tawe saran sangkatou apan mal᷊iudda.”

1 MARARATU 19:17

Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

AMOS 5:19

Olangnge naal᷊ihidda taumata apan tinumal᷊angngu watanganne wuassu singa, arawe nassomban beruangnga. Arawe ere taumata apan napul᷊e watukku wal᷊en wuṛṛu nangunsandakku limane su darandunga, ana see nipul᷊issu atonna!

YEREMIA 46:21

Ewe'e lai manga tantara apan nisewanne tawe naail᷊ore ere ana'u sapi apan tumanite matawa. I mangitou tawe naataṛṛangnga. Sarangkanambone nabbal᷊i'a wuṛṛu tinumal᷊angnga tadea'u masal᷊amatta. Allo ṛuumanni mangitou nia'omante; temponete i mangitou aṛṛiaannu asasilaka.

MIKHA 7:4

Apan apianne wuṛṛu atul᷊iranne wuassi mangitou lai naal᷊ihidda aputta ṛoaanna apan tawe gunane. Nia'omante tempone Ruata makkuumannu uman-Ne ere buatte niapasingkan-Ne si mangitou wuassu manga nabi-Ne. Orassa indi nilumapputte aal᷊iba'ukka suwallatti mangitou.

HOSEA 9:7

Nia'omante pallaṛṛuumanna, tempo ipanengkamma wawal᷊issa wuassu al᷊awo'u inolaanna. Israel sarun mamendamma udde! I yamiu mabbisara, “Nabi apan tataṛṛinoannu ghaṛṛaho indi longonna! Nabbewate ito!” I yamiu mabbisara aroddi ana waugu i yamiu mabbinsi atonna si ya'u wuṛṛu rosanu tumaniten wahewalla.

YEREMIA 51:18

Manga paal᷊uanna udde tawe aregane, ṛinone aal᷊uandahanna wuṛṛu heloanna. Napawe nia'omante tempone, i mangitou sarun nate.

YEREMIA 23:12

Ana waugu udde, lal᷊anni mangitou sarun mal᷊ewakka wuṛṛu marandumma, na'oman sara i mangitou matara wuṛṛu mal᷊iundu'a. I Ya'u sarun mandantan asasilaka si mangitou, napawe nia'omante tempone makkuumanni mangitou. I Ya'u, Mawu, buatte nabbisara.

YEREMIA 16:16

Mawu nabbisara, “I Ya'u sarun mamaggo manambo samakka iapasametta manga taumata indi. Wua'udde i Ya'u mamaggo manambo matataṛṛia su iapasametta si mangitou suapan bowone wuṛṛu wuidda, wuṛṛu su manga loṛṛangngu wuidda watu.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YESAYA 24:18

Taumata apan tumal᷊angngu watanganne wuassu pagahahio udde sarun umul᷊ussa sulal᷊ummu sedda, wuṛṛu taumata apan mal᷊iu wuassu sedda sarun asongnganna. Uranna masaddatta sarun mawambinna wuassu langitta, wuṛṛu rapappakku runia sarun umio'a.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

1 MARARATU 20:30

Manga taumata apan naatal᷊angnga, tinumal᷊angnga watukku soa Afek, arawe darandungngu soa udde naṛṛa'a nangumpisanna 27.000 suatoune suwallatti mangitou. I Benhadad tinumal᷊angngu watanganne lai watukku soa udde wuṛṛu na'imbuni su sambau wal᷊en su wabbo'an dal᷊umme.

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

YEREMIA 50:24

Mawu nabbisara, “Babel, i'o nilumawangnga si Ya'u, ana waugu udde nul᷊ussa sulal᷊ummu sedda apan Ta'u nitaingnga si'o, arawe i'o tawe maatutukka.

YEREMIA 50:27

Patete anambon tantarane! Ṛawate i mangitou! Nasilakate walahannu Babel! Nia'omante tempone i mangitou iṛṛuumanna!” (

LAL᷊ALLU 3:47

i yami niaṛṛiaannu asasilaka wuṛṛu ahahohakka, see mabbiakka sulal᷊ummu asasilaka wuṛṛu atata'utta.

YESAYA 24:17

Paddaringikke, ei anambon tumana'u runia! Pagahahio, sedda wuṛṛu sasongnga uaṛṛaddo si yamiu.

YEREMIA 49:8

Ei tumana'u Dedan, pabbelengke wuṛṛu tal᷊angke! Roote pa'imbuni. I Ya'u sarun makkimunsa'a papapulunni Esau, ana waugu temponete i Ya'u makkuumanni mangitou.