YEREMIA 48:41 - WUKE SUSI WATTI'U AL᷊AL᷊USASSA

⁴¹ Manga soa wuṛṛu manga tanda batune sarun aṛṛoanna wuṛṛu tantarane sarun mata'utta ere wawine apan mangunsiwete.

YEREMIA 48:41 Referans Kwoze

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

YESAYA 13:8

I mangitou sarangkanambone sarun aṛṛiaannu atata'utta apan bahewalla, wuṛṛu tuttambul᷊ilinnu atataddu'a ere wawine apan tantal᷊anna mangngunsiwe. I mangitou sarun masasaile ringannu asasinggawanga, hatine namillossa ana waugu massili.

YEREMIA 49:22

Naal᷊ihidda manu'a asiaṛṛe mangngametta ringannu papaidda uasiappakka, aroddi lai seetta sarun dumanta wuṛṛu mangametta Bozra. Su allo udde tantaran Edom sarun mata'utta ere wawine apan mangunsiwete.”

YEREMIA 30:6

Ṛingira'o wuṛṛu tutuṛṛe'o! Wotongngewe esakka mangunsiwen ana'a? Amungkangngu aroddi, anio i Ya'u naasilo suapan esakka hatine namillossa wuṛṛu maṛṛaddannu tianne ringannu lima ere wawine apan mangunsiwete?

YEREMIA 6:24

Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YEREMIA 51:30

Taumatan Babel naddote mapapangalo wuṛṛu uatana'e su manga tanda batu. I mangitou niawul᷊iannu awawaṛṛani wuṛṛu tate maa'al᷊iore. Manga ngara pasallangannu soa buatte nihohakka, wuṛṛu manga wal᷊en nisoṛṛobba.

YEREMIA 50:43

Naaringikka watti'a udde, ratun Babel nabbal᷊i nallome. I tou papal᷊iwutannu atata'utta, wuṛṛu uatataṛṛangnga ere wawine apan mangunsiwete.

YEREMIA 49:24

Tumana'u Damsyik nallome, wuṛṛu tuttal᷊angngu atata'utta. I mangitou sussal᷊iomanna wuṛṛu uatataṛṛangnga ere wawine apan mangunsiwete.

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 4:9

Mawu nabbisara, “Su allo udde manga ratu wuṛṛu manga tembonanne sarun mallome ikkanne; manga imam nata'utta wuṛṛu manga nabi niṛṛumoro.”

YEREMIA 48:24

Keriot, wuṛṛu Bozra. Anambon soa Moab, marau wuṛṛu marani, buatte niṛṛuumanna.

YEREMIA 50:37

Naṛṛussa'e awal᷊o wuṛṛu keretan pangalone! Natete manga tantara nassewanne! Aroddi al᷊omene i mangitou! Nasuete pa'aalan Babel! Aṛṛote manga darotongnge!

AMOS 2:2

Ana waugu udde, i Ya'u sarun mangirimmu putungnga watukku wanua Moab, wuṛṛu manoṛṛobba ma'oman sara masue tanda'a watu su Keriot. Taumatan Moab sarun mate su pattangngannu paggahahion pangalo, tantal᷊ana trompetta iapatuntingikka, wuṛṛu hahuressan pangalo ipangikkuitta.