YEREMIA 48:38 - WUKE SUSI WATTI'U AL᷊AL᷊USASSA

³⁸ Roso su anambon sal᷊awon bal᷊e wuṛṛu su manga tana lapangnga tumba'u aaringiṛṛanna lal᷊uai. Ana waugu Moab buatte Ta'u nipesangnga ere wensadda apan ipaaddiri.

YEREMIA 48:38 Referans Kwoze

YEREMIA 22:28

I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

YEREMIA 25:34

Ei manga piaṛṛa'a, ei manga mallal᷊u'addu umattu Mawu! Luaite pa'ikka-ikkatta! Tattal᷊inggite su awu, ana waugu nia'omante tempone i yamiu pateanna, wuṛṛu iapa naal᷊assanga sarun isal᷊iawukka. I yamiu naal᷊ihidda ere wensadda maarega apan nanawo see napesangnga.

YESAYA 22:1

Eteindi tanata su ola'u Wawal᷊annu Sondappa ara'e tatimmata: Ei, tumana'u Yerusalem, anio i yamiu niumawitta su atuppu wal᷊en?

HOSEA 8:8

Naal᷊ihidda urinna apan napesangnga, aroddi lai Israel apan tate gunane, wuṛṛu naola'a walahanna wiasa ere manga walahanna waine.

YESAYA 30:14

I yamiu sarun maṛṛimunsa'a ere urinna leta'a apan napesangnga nattal᷊eṛṛonga, na'oman sara suwallattu pesangnge tateddu wotongnge ipaatta ipanganu waṛṛa wuassu sunggilla ara'e ipangabba ua'e wuassu tampane.”

YESAYA 15:3

Manga taumata su lal᷊anna ual᷊uṛṛen laubba karongnga tatialan lullal᷊o; taumata lullallu wuṛṛu lulluai su leta'a mal᷊alangnga wuṛṛu su atuppu wal᷊en.

DARALO 2:9

I mangitou sarun ta'u paddianna ringannu ta'inna atta'a wuṛṛu Ta'u pesanganna ere urinna leta'a.’ ”

MATIUS 10:27

Apa apan Ta'u iwal᷊o si yamiu su marandumma, ṛinone isul᷊eng kamiu apia su semakku allo. Wuṛṛu apa apan isasal᷊imburungnga su tal᷊inganu, wal᷊oa'a udde su awada'alla.

YEREMIA 19:10

Wua'udde Mawu nandolo'u niapapesangnga wensadda udde su saruannu manga taumata apan uatantalongnga si ya'u.

YEREMIA 19:11

I ya'u ṛinone mamasingkatta si mangitou manungku Mawu Apan Lembontaṛṛino nabbisara arendi, “Walahanna wuṛṛu soa indi sarun Ta'u ṛimunsaanna ma'oman sara maola'a ere wensadda apan napesangnga udde apan tate iasul᷊e apia. Taumata sarun mallabbingngu manga winal᷊unanni mangitou su Tofet, ana waugu tate tampan pallabbinganna waine.