YEREMIA 48:36 - WUKE SUSI WATTI'U AL᷊AL᷊USASSA

³⁶ Anambon pa'aala Kir-Heres wuṛṛu ahewallu Moab nawul᷊ite. I Ya'u massusa maasilo ola'i mangitou; i Ya'u naal᷊ihidda taumata apan manniuppa wansi ringannu aantarin lal᷊alo.

YEREMIA 48:36 Referans Kwoze

YESAYA 15:7

Manga taumata apan tinumumbe ana'u Sal᷊ukku Haarabim maddea'a manal᷊amatta al᷊awo'u darotongngi mangitou.

YESAYA 16:11

Naungku ma'uare wuṛṛu natuno ma'ellega saṛṛen Moab wuṛṛu Kir-Heres.

YESAYA 15:5

I ya'u u'akkannu Moab! Tumanangnge nattal᷊angnga watukku soan Zoar wuṛṛu watukku Eglat-Selisia. Piaddu sinuma'a su lal᷊anna watukku Luhit lapiddu lulluai; piaddu lai apan tinumal᷊angnga watukku Horonaim lapiddu ma'uare ana waugu niaṛṛiaannu asasilaka.

YEREMIA 17:11

Naal᷊ihidda manu'u winalanganna ruddaṛṛin tallukka wal᷊ine talluke, etearoddi lai taumata apan wengkolla naasomba darotongnga. Su uukka saṛṛen tumuwo i tou sarun awul᷊iannu anambon darotongnge. Su panginsueannu pabbiaṛṛanne natialanna i tou taumata apan tumaniten boddo.

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YESAYA 63:15

Oh Mawu, pangintannote wuassu surga, wuassu atatanaan-Nu apan na'ukkassa wuṛṛu mawantuga. Suapate darangngu wuṛṛu awawaṛṛani-Nu? Suapate apapia wuṛṛu darangngu-Nu? Ariewe udde taṛṛanganna si yami.

AMSAL 18:11

Arawe taumata ala massunna tumba'u darotongnga apan ual᷊u'adda si tou naal᷊ihidda tanda'a watu matanggakka wuṛṛu matohassa uapal᷊iwutta soa.

AMSAL 13:22

Taumata mapia mannantangngu pussa'ane su ana'a pulunne; paa'alan taumata marosa sahipunanna maola'a tatahuannu taumata apan matul᷊idda wiakke.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

2 MARARATU 3:25

wuṛṛu nanggohakku manga soan mangitou. Suapan wawailanna masuwukka apan nisabbianni mangitou, tuntunganni mangitoun batu. Panginsueanne anambon wawail᷊anna niomboannu watu. Manga taumatan Israel nakkapinga lai manga al᷊imatan kua'e, wuṛṛu nanuwangnga manga aaluanna mabbua. Nallambe tumba'u soa Kir-Hareset inangngu soa Moab. Panginsueanne soa udde lai nipangaloanna wuṛṛu manga taṛṛa ali-ali nanuntungu watu.

YEREMIA 48:31

Ana waugu udde i Ya'u sarun lumuai ma'ikka-ikkatta si yamiu sarangkanambone wuṛṛu su manga taumatan Kir-Heres, inangngu soanu.