YEREMIA 48:34 - WUKE SUSI WATTI'U AL᷊AL᷊USASSA

³⁴ Taumata su Hesybon wuṛṛu Eleale lulluai wuṛṛu lal᷊uaine iaaringikka sara Yahas, wuṛṛu niaringiṛṛannu lai manga taumata wuassu Zoar naddatingngu Horonaim wuṛṛu Eglat-Selisia. I mangitou lulluai ana waugu ua'e su ana'u Sal᷊ukku Nimrim namarate lai.

YEREMIA 48:34 Referans Kwoze

REENGANNA 32:3

Unni mangitou, “Leta'u manga soan Atarot, Dibon, Yaezer, Nimra, Hesybon, Eleale, Sebam, Nebo wuṛṛu Beon apan niatanaanten taumatan Israel ringannu aakkannu Mawu, tumaniten mapia pabbuwunanna winatangnga,

YEREMIA 48:5

Paddaringikke tingikku lal᷊uai su lal᷊anna saanna watukku Luhit, wuṛṛu tingikku lal᷊allu su lal᷊anna sossoṛṛanna watukku Horonaim.

TAHIUL᷊E 34:3

su wageangngu timukku Yehuda wuṛṛu su leta'a ratakke apan uawannada wuassu Zoar watukku Yerikho soa apan napenen alu kurma.

PANDARIADDI 13:10

I Lot nanaile leta'a apan uapal᷊iwutta si tou wuṛṛu i tou naasilo manungku ahewallu Wawal᷊annu Yordan, maddatingngu soan Zoar manambo ua'ene, naal᷊ihidda Waillu Mawu ara'e naal᷊ihidda leta'u Mesir. (Etearoddi olangnge tantal᷊anna Mawu taambe naṛṛimunsa'a manga soan Sodom wuṛṛu Gomora.)

PANDARIADDI 14:2

napapangalo nandaappa siri lima ratu waine, eteudde: i Bera wuassu Sodom, i Birsya wuassu Gomora, i Syinab wuassu Adma, i Semeber wuassu Zeboim, wuṛṛu ratu wuassu Bela apan isassago lai Zoar.

YOSUA 13:18

Yahas, Kedemot, Mefaat,

YEREMIA 48:21

“Ṛuumanna buatte niema'a su manga soa su panenteanna; su Holon, Yahas, Mefaat,