YEREMIA 48:29 - WUKE SUSI WATTI'U AL᷊AL᷊USASSA

²⁹ I yamiu matanggakka atonna! I Ya'u buatte naaringikka aroddi awungane, atanggakke naungnge, mapontol᷊osanna, wuṛṛu tawe atoranne i yamiu!

YEREMIA 48:29 Referans Kwoze

YESAYA 16:6

Walahannu Yehuda, “I yami naaringikke ola'u awawungan walahannu Moab. I yami masingkatta manungku i mangitou mawunga wuṛṛu matanggakka. Wisaran mangitou tumba'u tingikka apan tawe loṛṛone.”

DARALO 138:6

I'o tumaniten susi, arawe lal᷊ebbone niellehan-Nu lai; taumata mawunga tawe mappa'imbuni Si'o.

YAKOBUS 4:6

Salaiwe aroddi, al᷊amattu Ruata apan nionggolla si ite mattohasanna wuassu apulun ghaṛṛahon kite udde. Ana waugu udde sulal᷊ummu Wuke Susi niwoṛṛeta lai, “Ruata mandooppa taumata mawunga, arawe inul᷊eanne i Tou mandangngu taumata apan naungnge mawawo.”

LUKAS 14:11

Ana waugu suapan taumata apan mannaggakku watanganne sarun iapaawawo, arawe isai mammawon batanganne sarun iapaatanggakka.”

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

AMSAL 30:13

Pia taumata apan massunna watanganne mapia atonna – tawe hampa apapiane!

AMSAL 18:12

Taumata mawunga sarun manawo, taumata masaṛṛionto'a sarun addatanna.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

AMSAL 21:24

Taumata mawunga wuṛṛu naungnga matanggakka apulune mappasal᷊a wuṛṛu tawe atoranne.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.