YEREMIA 48:26 - WUKE SUSI WATTI'U AL᷊AL᷊USASSA

²⁶ Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

YEREMIA 48:26 Referans Kwoze

YEREMIA 51:39

Tantal᷊anna apulu mangitou umanna niatambanna, i Ya'u sarun manaddia wiakki mangitou, wuṛṛu mapawu'anni mangitou wuṛṛu lumiṛṛibba ma'oman sara amatiil᷊anna wuṛṛu tate maatimpu'o apia.

YEREMIA 48:42

Moab sarun maṛṛimunsa'a wuṛṛu tate lai maola'a sambau walahanna, ana waugu i mangitou mammungan batanganne su saruang-Ku.

YESAYA 29:9

Asala'e tuttiangnga wuṛṛu manutubbu mata ere taumata wuta! Pattingkaola'e wu'anna, arawe wal᷊ine ana waugu na'inumma anggore. A'amatte lullallengge, arawe wal᷊ine ana waugu na'inumma tuba.

YESAYA 19:14

Ete Mawu apan ma'ola'a si mangitou mangonggollu al᷊aṛṛa'a apan mangngal᷊iwu. Pangillul᷊eanne, Mesir mangke su sal᷊a, wuṛṛu lullallengge naal᷊ihidda taumata wu'anna apan nattanggul᷊ewakka su mutane sassane.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

LAL᷊ALLU 4:21

Ei walahannu Edom wuṛṛu Us, ore lallagete, lalluasse, suapawe ta'e wotongne! Asasilaka sarun rumanta lai ringannu wuṛṛu ana waugu wu'anna i'o nanantol᷊e watangannu.

YEREMIA 51:7

Babel dorone ere halasi wul᷊awanna apan Ta'u aagassanna wuṛṛu na'ola'a ahewallu runia wu'anna. Manga walahanna ma'inumma anggore wuassu halasi udde, na'oman sara i mangitou nabbewa.

YEREMIA 48:39

Moab naṛṛimunsa'e! Asasiliwe eteapa su Moab! I tou lulluai ana waugu buatte nihelo wuṛṛu naola'a papal᷊agge manga walahanna maranine. I Ya'u, Mawu, buatte nabbisara.”

SASABANGNGA 5:2

“Isai Mawu udde?” aiwal᷊on datu. “Anio i ya'u mangaddata si Tou wuṛṛu mamalan balahannu Israel mapul᷊e? I Ya'u wagga Mawu udde, wuṛṛu taumatan Israel tawe ta'u iwala mapul᷊e.”

SONDAPPA 16:19

Soa wahewalla udde natahia tallung kaadoanna, wuṛṛu naṛṛimunsa'e lai manga soa su anambon araratuanna su runia. See Ruata naanaungnga Babel apan wahewalla udde. Ne Ruata napa'inummi tou anggore wuassu cawannu Ruata – eteudde anggoru asasa'u-Ne apan nangillembo.

2 TESALONIKA 2:4

Ringannu mawunga i tou sarun lumawangnga wuṛṛu mananggaku watangan-Ne su anambon inolaanna apan sassubbannu taumata, ara'e anambon paal᷊uanna apan sassunnannu taumata udde Ruata. Ewe'e lai i tou sarun uma'ianna sulal᷊ummu Wal᷊e Duata wuṛṛu mamasingkata manungku eteudde i tou Ruata.

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

NAHUM 3:11

Ei Niniwe, i'o lai sarun mapinsanna ana waugu wu'anna. I'o lai sarun mattinsahadda tadea'u maatal᷊angnga wuassu manga seennu.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

LAL᷊ALLU 3:15

Tumba'u apapetta apan nionggollu Mawu si ya'u maola'a anna wuṛṛu uae'u.

LAL᷊ALLU 1:21

O, Mawu! Daringiṛṛewe sasal᷊iomangku, taweddu malluassa si ya'u. Manga see'u lulluassa, ana waugu I'o na'ola'a si ya'u nasilaka. Rantate allo apan pina'ire-Nu udde; ola'ewe i mangitou matataṛṛangnga ere lai i ya'u.

YEREMIA 51:57

I Ya'u sarun mapawu'annu manga mangangumbele parenta su Babel – manga mapapande, mamamiaṛṛa'a wuṛṛu tantara. I mangitou sarun tate mapabbangunna apia, matiille saran mal᷊annu-l᷊annu. I Ya'u buatte nabbisara; ete i Ya'u ratu, i Ya'u Mawu Apan Lembontaṛṛino.

YESAYA 63:6

Sulal᷊ummu asasa'u-U apan lukkenggamma, Ta'u niṛṛinda manga walahanna; Ta'u niṛṛadda'a i mangitou, wuṛṛu daṛṛa mangitou Ta'u niwoso su leta'a.”

YESAYA 51:17

Pabbangunte, ei Yerusalem, pabbangunte! Ṛuumanna apan niema'u Mawu ana waugu asasa'u-Ne buatte niamannu na'oman sara nasue.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

DARALO 75:8

Arawe ete Ruata sassane apan makkuungnga, i Tou mapawawon sangkatou wuṛṛu mapatanggaku waine.

DARALO 60:3

I'o nanol᷊a'i yami, oh Ruata, wuṛṛu namalan kami niawaddo.

DARALO 59:8

I mangitou sidutu mammasendekka wuṛṛu mallobbosa; manga wisaran mangitou maṛṛoro naal᷊ihidda hal᷊ele, i mangitou massunna manungku taweddu maaringikka.

DARALO 2:4

Wuassu adderan araratuan-Ne su surga Mawu lullage wuṛṛu mangngadio'a hol᷊agi mangitou.

AYUB 9:4

Ruata udde nangillembon pande wuṛṛu taṛṛino; isai woṛotongnge maataṛṛangnga mando'appa si Tou?

SASABANGNGA 9:17

Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

YESAYA 28:8

Medda mangitou napene muta, sara lai tate tampa apan baresi.

DANIEL 8:10

Tandu'a udde aatambanna lembon asallakke na'oman sara lembon matohassa ipamangalo tantaran surga eteudde manga winatangnga, ewe'e lai manga pira suwallanne niwaretane su leta'a wuṛṛu mangke niṛṛindane.

AYUB 15:25

Etearoddi pal᷊addu taumata apan lullawangnga Ruata, wuṛṛu waṛṛani lumawangnga Apan Lembontaṛṛino.

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.