YEREMIA 48:16 - WUKE SUSI WATTI'U AL᷊AL᷊USASSA

¹⁶ Asasilaka Moab su saruante ngara, tate mal᷊annu i tou maṛṛimunsa'a.

YEREMIA 48:16 Referans Kwoze

YESAYA 13:22

Tatawannu asung kahuranganna wuṛṛu serigala pia sanseongnge wuassu manga puri wuṛṛu manga wal᷊en araratuannu Babel. Tempo ananawone maraniten a'omanna wuṛṛu allone tate iasoṛṛotta lai.”

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

YEHEZKIEL 12:28

Ana waugu udde, wal᷊oa'e si mangitou manungku i Ya'u, Mawu Apan Atanggaṛṛanne, nabbisara: Sarangkanambone apan Ta'u niwisara sarun mariaddi, tate iasoṛṛotta lai, i Ya'u, Mawu Apan Atanggaṛṛanne buatte nabbisara!”

YEHEZKIEL 12:23

Ne, wal᷊oa'e si mangitou manungku i Ya'u, Mawu Apan Atanggaṛṛanne sarun mangonggollu sasimbakke indi: Sasanato'a udde sarun Ta'u pappasanna, ma'oman sara tate lai iwisara su Israel. Maola'a hahantine wal᷊oa'a si mangitou manungku tempone nia'omante, wuṛṛu suapan nubuatta sarun matipussa.

YEREMIA 1:12

“Atonna,” Unnu Mawu, “I Ya'u mattaṛṛapa tadea'u sarangkanambone apan niwisara-U sarun matipussa.”

TAHIUL᷊E 32:35

Mawu sarun mabbal᷊issa wuṛṛu makkuumanni mangitou, tate mal᷊annu lai i mangitou mate; napawe tempo papaten mangitou udde rumantate.

AMSAL 7:23

tal᷊angkadio'a lai anaanna sarun mallappassa su atene. Ere manu'a tuttalla'a mattuddan sedda, aroddi lai umbasanna udde tawe maaṛṛangngo manungku niawane uasaruanna papate.