YEREMIA 48:14 - WUKE SUSI WATTI'U AL᷊AL᷊USASSA

¹⁴ Ereapa wotongnge esakku Moab waṛṛani mabbisara, ‘I yami waṛṛani, manga tantara apan matohassa buatte nisal᷊u'atanna sulal᷊ummu pangalo?’

YEREMIA 48:14 Referans Kwoze

DARALO 33:16

Ratu tawe maauntunga ana waugu manambo tantarane, tantara tawe maasal᷊amatta ana waugu atatohanne.

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 10:13

Ratun Asyur mammunga, wisarane, “Sarangkanambone udde ta'u olaanna ringannu taṛṛino'u sassane. I ya'u masiṛṛongnga wuṛṛu pande. I ya'u mamappassa passarannu manga walahanna, wuṛṛu i ya'u nangaṛṛo saddia mangitou. Ere bantenga i ya'u naṛṛinda manga taumata apan uaparenta.

ZEFANYA 2:10

Etearoddi tumana'u Moab wuṛṛu Amon sarun iṛṛuumanna ana waugu awawunga wuṛṛu atatanggakki mangitou, wuṛṛu lai i mangitou buatte nallobbossa umattu Mawu Apan Lembontaṛṛino.

YEHEZKIEL 30:6

Mawu Apan Atanggaṛṛanne nabbisara, “Wuassu Migdol su sawannakka maddatingngu Aswan su timukka, anambon hawe Mesir sarun mapul᷊idda sulal᷊ummu pangalo. Wuṛṛu tantara Mesir apan mawunga udde sarun maṛṛimunsa'a uatal᷊eṛṛonga. I Ya'u Mawu Apan Atanggaṛṛanne buatte nabbisara.

YEREMIA 49:16

I'o niawusuannu awawunganu. Taweddu mata'unnu ere su sunnanu. I'o uatana'a su manga wallattu watu, marau su puiddu wowone. Arawe, salaiwe i'o ma'ola'a wal᷊enu sutampa apan atanggaṛṛanne, ere atanggakku salakku manu'a asiaṛṛe, Mawu sarun mapal᷊intukku wua isudde. Tumba'u Mawu apan namasingkattu sarangkanambone udde.”

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

YEREMIA 8:8

Waṛṛani atonna i yamiu mabbisara manungku i yamiu pande, wuṛṛu masingkattu manga tita-U! Annama'o ellehe manga tita-U udde niwal᷊u manga mapapanden agama apan taṛṛa linga!

YESAYA 16:6

Walahannu Yehuda, “I yami naaringikke ola'u awawungan walahannu Moab. I yami masingkatta manungku i mangitou mawunga wuṛṛu matanggakka. Wisaran mangitou tumba'u tingikka apan tawe loṛṛone.”

MANNANASE 9:11

Su runia indi piaddu lai apan ta'u niasiloanna: patatalumma tawe sidutu asombangannu tumatal᷊angnga mal᷊ihakka, pangalo tawe sidutu auntungannu taumata apan matohassa. Taumata pande tawe sidutu maasomba manarane. Taumata masiṛṛungnga tawe sidutu maasomba paa'ala. Wuṛṛu lai manga mapapande tawe sidutu tumelengnga. Ana waugu suapan taumata wotongnge aṛṛiaannu pal᷊addu pabbiaṛṛanna lal᷊eo.

DARALO 11:1

Su piaṛa'u mangangantari. Daralon Daud. I ya'u uasirungnga su Mawu; tawe gunane mabbisara si ya'u, “Panal᷊amatte watangannu naal᷊ihidda manu'u winalanganna tuttala'a watukku wowone.