YEREMIA 48:11 - WUKE SUSI WATTI'U AL᷊AL᷊USASSA

¹¹ Mawu nabbisara, “Ro'en dorone Moab mabbiakka matammudda. Taambe saran paassa i tou niapidda su pamuanganna. I tou ere ua'e anggore apan niwala niapaatiilla wuṛṛu tawe ilal᷊inna su tampan anggore waine. Anggorene ta'e mawangngi wuṛṛu matemangnga.

YEREMIA 48:11 Referans Kwoze

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

NAHUM 2:2

Atonna, Mawu sarun mapaawelengngu awawantugu Israel, tadea'u maola'a ere paarorone, tantalanna taambe nipangaṛṛoannu manga seenne.)

YEREMIA 48:29

I yamiu matanggakka atonna! I Ya'u buatte naaringikka aroddi awungane, atanggakke naungnge, mapontol᷊osanna, wuṛṛu tawe atoranne i yamiu!

YESAYA 24:3

Runia sarun mattal᷊eṛṛonga wuṛṛu ṛimunsaanna. Mawu buatte nabbisara, wuṛṛu olangnge udde sarun matipussa.

YESAYA 16:6

Walahannu Yehuda, “I yami naaringikke ola'u awawungan walahannu Moab. I yami masingkatta manungku i mangitou mawunga wuṛṛu matanggakka. Wisaran mangitou tumba'u tingikka apan tawe loṛṛone.”

DARALO 123:4

Wotongngete i yami aal᷊uandahannu taumata ala, wuṛṛu aadio'annu manga taumata mawunga.

DARALO 55:19

I Tou nanal᷊amatta si ya'u wuassu pangalon seetta, apan mangngelekka mammangalo si ya'u.

YEREMIA 51:34

Yerusalem niuno wuṛṛu nianna na'oman sara nasue ṛatangannu ratun Babel; i tou nanahangginna lal᷊oṛṛon soa udde ere taumata namoson botolla. Naal᷊ihidda sambau winatangnga wahewalla, i tou nangalluppa Yerusalem wuṛṛu nalloṛṛo tianne ringannu al᷊awo'a apan mapia wuassu soa udde, see lambene niramme.

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YEREMIA 48:12

Arawe, sarun a'omanna tempone i Ya'u mandolokka tadea'u Moab ilal᷊inna ere anggore, wuṛṛu manga tampane iwoso wuṛṛu pesanganna.