YEREMIA 47:2 - WUKE SUSI WATTI'U AL᷊AL᷊USASSA

² Mawu nabbisara, “Pa'ellege, ua'e mangngelekka wuassu sawannakka wuṛṛu tinumompe'a ere sal᷊ukka apan mammanawangnga nangammon banua wuṛṛu lal᷊oṛṛone, manga soa suadio'a ringannu tumanangnge. Taumata sarun mangintul᷊i ma'iontolla wuṛṛu anambon tumana'u wanua sarun lumallu.

YEREMIA 47:2 Referans Kwoze

YEREMIA 46:20

Mesir ere ana'u sapi matawa, arawe nisal᷊asaannu lango wahewalla wuassu sawannakka.

YEREMIA 8:16

Seetta poite su soan Dan; tingikku awal᷊o mangitou niaringiṛṛante wuṛṛu ahewallu wanua nabbal᷊i matta'utta. Seetta nirumanta tadea'u makkimunsa'a ahewallu wanuang kite, see lai manga soang kite wuṛṛu anambon tumanangne.”

YEREMIA 1:14

Mawu nabbisara, “Wuassu samba'an sawannakka asasilaka sarun lumapputta wuṛṛu maṛṛia'a su anambon tumana'u wanua indi.

SONDAPPA 17:15

Mala'ekatta udde nabbisara lai, “Ua'e apan aellehannu udde, tampan aianannu sumasandaga udde, eteudde manga walahanna, manga tumana'u soa, manga araratuanna wuṛṛu manga wahasa.

SONDAPPA 17:1

Wua'udde sangkatou wuassu sire pitu mala'ekatta apan uaggasa cawanna pitu udde nirumanta ringangku wuṛṛu nabbisara, “Wette, i ya'u sarun manta'e si'o ereapa sumasandaga apan wahewalla udde sarun iṛṛuumanna, eteudde soa wahewalla apan niapararisikka su winggi manga sal᷊ukka.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

1 KORINTUS 10:28

Arawe amungkangngu piaddu mabbisara si yamiu, “Anna indi suete pinasubba paal᷊uanna,” arie umanna anna udde, ana waugu mapaasuungngu apulun taumata udde wuṛṛu ana waugu tingikku naungnga.

1 KORINTUS 10:26

Ana waugu sulal᷊ummu Wuke Susi uawoṛṛetta, “Runia indi ringannu anambon lal᷊oṛṛone udde tatahuanannu.”

NAHUM 1:8

Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.

DANIEL 11:22

Al᷊awo'u tantara apan mando'appa si tou, ore wewe lai Imam Wahewalla, sarun insueanna wuṛṛu ṛimunsaanna.

YEREMIA 48:39

Moab naṛṛimunsa'e! Asasiliwe eteapa su Moab! I tou lulluai ana waugu buatte nihelo wuṛṛu naola'a papal᷊agge manga walahanna maranine. I Ya'u, Mawu, buatte nabbisara.”

YEREMIA 46:13

Sutempo i Nebukadnezar ratun Babel nirumanta mamangalo Mesir, Mawu nabbisara si ya'u, wisara-Ne,

YESAYA 59:19

Taṛṛino wuṛṛu awawantu-Ge sarun ia'ata'uttu anambon taumata wuassu ra'i maddatingngu waṛṛatta. I tou sarun dumanta ere sal᷊ukka apan masassagga apan tattiupannu anginna ma'ikkatta.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YESAYA 22:1

Eteindi tanata su ola'u Wawal᷊annu Sondappa ara'e tatimmata: Ei, tumana'u Yerusalem, anio i yamiu niumawitta su atuppu wal᷊en?

YESAYA 15:8

Suapan tampa su passarannu Moab niaringiṛṛanna aintul᷊i. Lal᷊uai udde niaringikka su Eglaim wuṛṛu Beer-Elim.

YESAYA 14:31

Lalluaite, wuṛṛu pangintul᷊ite pa'iontolla, ei manga soan Filistin! Ṛinone i yamiu sarangkanambone maggion atata'utta! Winabbawa awu sussal᷊oi wuassu sawannakka mammasingkattu darantan seetta; tawe taumata matal᷊o suwallatti mangitou.

DARALO 98:7

Paddallu'e ei tahal᷊oangnga ringannu lal᷊oṛṛone runia wuṛṛu anambon apan uawanua isudde.

DARALO 96:11

Lallala'e, ei langitta wuṛṛu runia! Paddallu'e ei tahal᷊oangnga ringannu anambon lal᷊oṛṛone!

DARALO 50:12

Amungkangngu i Ya'u mal᷊unussa, salaiwe tawe iwisara-U si yamiu, ana waugu runia wuṛṛu lal᷊oṛṛone udde darotong-Ku.

DARALO 24:1

Daralon Daud. Ete Mawu uatahuanna runia wuṛṛu lal᷊oṛṛone, runia wuṛṛu sarangkamabone apan uatana'a.

YEREMIA 6:22

Mawu nabbisara, “Sambau araratuanna apan matohassa tantal᷊anna u'amatta wuassu wanua apan marau su sawannakka. I mangitou rumanta mapapangalo.

YEREMIA 46:12

Olangngu apan ma'asili niasingkatante manga walahanna. Tingikku aintul᷊inu niaringiṛṛante su ahewallu runia. Tantara sangkatou natara singana'a waine; i mangitou nal᷊iundu'a su sambau su leta'a.

YEREMIA 46:24

Tumana'u Mesir sarun pansilianna, ana waugu niwaddon balahanna wuassu sawannakka. I Ya'u, Mawu, buatte nabbisara.”