YEREMIA 46:28 - WUKE SUSI WATTI'U AL᷊AL᷊USASSA

²⁸ Nariaddi ariete mata'utta, ei uma-U, i Ya'u sarun dumanta manal᷊amatta si yamiu. Manga walahanna, su tampa i yamiu Ta'u nisal᷊iawukka, sarangkanambone Ta'u pateanna, arawe i yamiu tawe Ta'u olaanna aroddi. Atonna i yamiu tawe mal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 46:28 Referans Kwoze

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

1 KORINTUS 11:32

Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

YEREMIA 30:11

I Ya'u sarun dumanta wuṛṛu i yamiu Ta'u iapaasal᷊amatta. Manga walahanna, su tampa i yamiu Ta'u nisal᷊iawukka sarangkanambone sarun Ta'u pateanna, arawe i yamiu tawe Ta'u olaanna aroddi. Atonna i yamiu tawe maal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 10:24

Puulle i yami oh Mawu, ariewe ringannu papuulla apan tumaniten maataddu'a. Ariewe lai makkuumanni yami napawe I'o nasa'ute, ana waugu i yami sarun mate abbi.

YEREMIA 4:27

Mawu nabbisara manungku ahewallu runia sarun maoala'a wadda'u anne, arawe i Tou tawe manggohakka abbi.)

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

HABAKUK 3:2

I ya'u naaringikka su ola'u inolaan-Nu, ne apendamma mal᷊angnganna namene naungku. Antimanna inolaanna wahewalla udde isule-Nu apia wuṛṛu iapal᷊iattang-Ngu sutempon kami indi. Ṛinone I'o umakkanni yami salaiwe naung-Ngu mal᷊oso.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

YEREMIA 15:20

I'o sarun Ta'u olaanna ere tanda'a witu'a su saruanni mangitou. I mangitou sarun mamangalo si'o, arawe tawe mapamaddonu. I Ya'u sarun uaṛundinganna tadea'u mallu'adda wuṛṛu manal᷊amatta si'o.

YEREMIA 5:18

Mawu nabbisara, “Salaiwe aroddi, sutempo udde lai uma-U tawe Ta'u pateanna.

YEREMIA 5:10

I Ya'u sarun mandolokku seetta inai iapahohakku waillu anggori mangitou, arawe wal᷊ine iapaamussa abbi. I Ya'u sarun mandolokku seetta udde mamaresi manga rannan anggori mangitou, ana waugu manga ranna udde wal᷊ine pussa'a-U.

YESAYA 45:23

I Ya'u buatte naddiandi, wuṛṛu riandi-U tawe mawal᷊u; ringannu arang-Ku sassane i Ya'u massalu: Suapan taumata apan umal᷊intudda su saruang-Ku, wuṛṛu sulal᷊ummu wahasane sassane naddiandi sidutu satia si Ya'u.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 27:7

Mawu nakkuumannu uman-Ne tawe ere awakkattu i Tou nakkuumannu manga walahanna apan nasseetti mangitou. I Tou tawe namate uman-Ne ere i Tou namate seen-Ne.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

YESAYA 44:1

Mawu nabbisara, “Paddaringikka, ei Yakub allang-Ku, ei Israel, umatta nipile-U!

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEREMIA 51:46

Ariete mata'utta ara'e suminggawanga ana waugu watti'a apan aaringiṛṛanni yamiu. Suapan tonna massal᷊iawukka watti'a apan uapapaṛṛala – watti'a su ola'u araṛṛagissa sulal᷊ummu wanua wuṛṛu su ola'u manga ratu apan uapapangalo sangkatou ringannu waine.