YEREMIA 46:22 - WUKE SUSI WATTI'U AL᷊AL᷊USASSA

²² Mesir tinumal᷊angngu watanganne lapiddu sussiitta ere atoanna ana waugu tantaran seetta maranite. I mangitou namangalo si tou ringannu wal᷊iungnga ere taumata mannuwangnga alu

YEREMIA 46:22 Referans Kwoze

YESAYA 29:4

Yerusalem naal᷊ihidda setanna apan maddea'a mapararingikku tingikke wuassu lal᷊ummu leta'a, tingikka apan masi'ome wuassu lal᷊ummu awu.

YESAYA 14:8

Punnu alu eru wuṛṛu punnu alu cemaran Libanon lulluassa ana waugu ratu apan maṛṛagissa udde nanawote, wuṛṛu nangingkatte, taweddu nandolokka nanuwangnga si mangitou!

ZAKARIA 11:2

Ei punnu daru, lalluaite, ana waugu naṛṛaate manga punnu alu cemara, manga aaluanna apan matohassa nawansalle. Ei manga aaluanna masallakka su Basan, lalluaite. Ana waugu manga mahurangnge mal᷊alangnga buatte niwabbassa mal᷊aukka.

MIKHA 7:16

Manga walahanna sarun maasilo olangnge udde wuṛṛu mabbal᷊i masili ana waugu naatutukke manungku al᷊awo'u atatohassi mangitou mangke tawe apa-apa. I mangitou sarun awul᷊iannu ṛingidda ma'oman sara tawe maawisara ara'e maaringikka.

MIKHA 1:8

Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

YOSUA 9:21

Nariaddi wala'e aroddi, i mangitou mabbiakka, arawe i mangitou olaanni ite mallaṛṛappo alu wuṛṛu mamamasanna ua'en kite sarangkanambone.” Ete aroddi darolokku manga piaṛṛange udde.

DARALO 74:5

I mangitou naal᷊ihidda mananuwanga alu apan mammal᷊iunga, ipannuwanga manga aaluanna su mahurangnge.

YEREMIA 46:21

Ewe'e lai manga tantara apan nisewanne tawe naail᷊ore ere ana'u sapi apan tumanite matawa. I mangitou tawe naataṛṛangnga. Sarangkanambone nabbal᷊i'a wuṛṛu tinumal᷊angnga tadea'u masal᷊amatta. Allo ṛuumanni mangitou nia'omante; temponete i mangitou aṛṛiaannu asasilaka.

YEREMIA 46:23

wuṛṛu nallol᷊okka mahurangnge maappalla apan tawe aamatanna. Tantaran seetta tawe iareengnga, mannamboanna wuassu saṛṛapalanna. I Ya'u, Mawu nabbisara.