YEREMIA 46:2 - WUKE SUSI WATTI'U AL᷊AL᷊USASSA

² manatakku Mesir. I tou namasingkatta si ya'u su ola'u tantara Nekho ratu Mesir, apan niawaddo su Karkemis maranin Sal᷊ukku Efrat ṛatanganni Nebukadnezar ratun Babel su tonna aiappanne sutempo i Yoyakim, ratun Yehuda uaparenta. Eteindi wisara apan niapasingkattu Mawu su ola'u udde,

YEREMIA 46:2 Referans Kwoze

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

YEREMIA 45:1

Su tonna aiappanne i Yoyakim ana'i Yosia uaparenta Yehuda, i Barukh namoṛṛettu apa apan ta'u niampona si tou. Wua'udde i ya'u namasingkatta si tou

YEREMIA 36:1

Su tonna aiappanne napawe Yoyakim ana'i Yosia naola'a ratun Yehuda, Mawu nabbisara si ya'u,

YEREMIA 25:19

Eteindi manga arannu manga taumata waine apan ṛinone ma'inumma wuassu halasin anggoru Mawu udde: ratu Mesir ringannu manga mammamanarane wuṛṛu tembonannu araratuanna; anambon taumatan Mesir wuṛṛu taumata raho su Mesir; anambon ratu su wanua Us; anambon ratu su manga soa Filistin su Askelon, Gaza, Ekron; anambon taumata apan ta'e wiakka su Asdod; anambon taumatan Edom, Moab wuṛṛu Amon; anambon ratu su Tirus wuṛṛu Sidon; anambon ratu su wageangngu apannu Tahal᷊oangngu Tangngane; manga soa Dedan, Tema, wuṛṛu Bus; anambon taumata apan mammol᷊o utangnge maautta; anambon ratun Arab; anambon ratun manga ṛuanganna nallal᷊o'a apan uatana'a su wadda'u anne; anambon ratu su Zimri, Elam, wuṛṛu Madai; anambon ratu su sawannakka, marau wuṛṛu marani, sangkatou ringannu sangkatou. Al᷊awo'u walahanna su ahewallu runia ṛinone ma'inumma anggore udde. Wuṛṛu taumata panginsueanne apan ṛinone ma'inumma anggore udde eteudde ratun Babel.

YEREMIA 25:1

Su tonna aiappanne napawe i Yoyakim ana'i Yosia naola'a ratun Yehuda, i ya'u naasomba tanata wuassu Mawu su ola'u anambon balahannu Yehuda. Tempo udde tonna paarorone napawe i Nebukadnezar naola'a ratun Babel.

YESAYA 10:9

Ta'u aṛṛoanna manga soan Kalno wuṛṛu Karkemis, Hamat wuṛṛu Arpad. Ta'u aṛṛoanna lai manga soan Samaria wuṛṛu Damsyik.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

2 MARARATU 18:21

I'o atonna uaantimma sasumbala wuassu Mesir, arawe udde uasul᷊ungu nappaattu akke niola'a ta'inna; ta'inna udde sarun mapaddi wuṛṛu limanu mal᷊okko'a. Etearoddi inolaannu ratun Mesir su anambon taumata apan mangngantimma si tou.’ ”

2 MARARATU 23:33

Pamamarentan Yoahas nuddussa sutempo i Nekho ratun Mesir nanametta si tou su Ribla, su wageangu leta'u Hamat, wuṛṛu namata'u Yehuda mamaekka wose si tou anambone 3.400 su kilone sal᷊a'a wuṛṛu 34 su kilone wul᷊awanna.

YEREMIA 43:11

I Nebukadnezar sarun dumanta wuṛṛu mamaddo Mesir. Wuṛṛu manga taumata apan buatte nitantunna mate ana waugu al᷊aṛṛusa'itta sarun maten al᷊aṛṛusa'itta. I mangitou apan nitantunna iapidda maola'a tawananna sarun iapidda maola'a tawananna, wuṛṛu nitantunna mate sulal᷊ummu pangalo sarun mate sulal᷊ummu pangalo.

YESAYA 19:1

Eteindi tanata su ola'u Mesir. Mawu nirumanta su Mesir uasa'e winabbawa apan mal᷊ihakka. Manga paal᷊uannu Mesir mangngiladda su saruan-Ne wuṛṛu taumata Mesir naurangnga naungnge.

YESAYA 19:19

Sutempo udde su al᷊imboi banua Mesir sarun pia sambau mezbah Mawu, wuṛṛu su passaranne sambau diṛṛi watu apan niṛṛae hunan Mawu.