YEREMIA 46:16 - WUKE SUSI WATTI'U AL᷊AL᷊USASSA

¹⁶ Manambo tantaranu natara wuṛṛu nadduma'a. I mangitou uahahatto, ‘Wette i ite mapul᷊ete ringannu walahanni ite tadea'u i ite mal᷊iu wuassu asasilakan hal᷊elen seetta.’

YEREMIA 46:16 Referans Kwoze

YEREMIA 51:9

Manga taumata raho apan uatana'a poiaroddi uahahatto sangkatou ringannu waine, ‘I ite buatte nattinsahadda mantul᷊ungngu Babel, arawe nal᷊iwue! Mappianne i ite manantangken banua indi wuṛṛu mapul᷊ete su wanuang kite sambau-sambau. Mawu nakkuumanten Babel ringannu maṛṛagissa, wuṛṛu mangke nakkimunsa'a.’ ”

YEREMIA 50:16

Arie pabbala'a taumata mabbailla ara'e mangitingnga su wanua udde. Anambon taumata raho apan uatana'a isudde sarun mapul᷊e su wanuane, ana waugu i mangitou matta'uttu tantara apan mammangalo.”

YEREMIA 46:21

Ewe'e lai manga tantara apan nisewanne tawe naail᷊ore ere ana'u sapi apan tumanite matawa. I mangitou tawe naataṛṛangnga. Sarangkanambone nabbal᷊i'a wuṛṛu tinumal᷊angnga tadea'u masal᷊amatta. Allo ṛuumanni mangitou nia'omante; temponete i mangitou aṛṛiaannu asasilaka.

YEREMIA 46:6

Iapa matikko'a tawe naatal᷊angngu watanganne, wuṛṛu iapa matohassa tawe naal᷊iu wuassu seetta. I mangitou natara wuṛṛu nanawo su sawannakka, su wiwikku Sal᷊ukku Efrat udde.