YEREMIA 46:10 - WUKE SUSI WATTI'U AL᷊AL᷊USASSA

¹⁰ Arawe i ya'u, Yeremia mabbiisara manungku eteindi allo Mawu Ruata Apan Atanggaṛṛane wuṛṛu Lembontaṛṛino; su allo udde i Tou ma'ola'a pabbawal᷊issa su anambon seen-Ne. Hal᷊ele-Ne sarun uminassa si mangitou ma'oman sara mal᷊aidda, wuṛṛu ma'inumma daṛṛa mangitou ma'oman sara mawusa. Allo indi Mawu Apan Lembontaṛṛino, naṛṛata manga sasamba-Ne su sawannakka, su winggin Sal᷊ukku Efrat udde.

YEREMIA 46:10 Referans Kwoze

TAHIUL᷊E 32:42

Manga anaang-Ku sarun mappeta'u daṛṛan mangitou; sarangkanambone apan mannal᷊are si Ya'u Ta'u pateannu hel᷊ele-U, Tawe Ta'u iwala pia sangkatou apan lumawangnga si Ya'u; taumata tataṛṛanganna wuṛṛu nal᷊al᷊essa sarun mate lai.

YOEL 1:15

Allon Mawu maranite, allo apan maata'utta; sutempo Apan Lembon Taṛṛino mandantan araṛṛimunsa'a.

YEREMIA 46:2

manatakku Mesir. I tou namasingkatta si ya'u su ola'u tantara Nekho ratu Mesir, apan niawaddo su Karkemis maranin Sal᷊ukku Efrat ṛatanganni Nebukadnezar ratun Babel su tonna aiappanne sutempo i Yoyakim, ratun Yehuda uaparenta. Eteindi wisara apan niapasingkattu Mawu su ola'u udde,

YEREMIA 46:6

Iapa matikko'a tawe naatal᷊angngu watanganne, wuṛṛu iapa matohassa tawe naal᷊iu wuassu seetta. I mangitou natara wuṛṛu nanawo su sawannakka, su wiwikku Sal᷊ukku Efrat udde.

LUKAS 21:22

Ana waugu manga allo udde ‘Eteudde Allon Ṛuumanna Iapaamatta’, tadea'u ringannu olangnge udde, apa apan uawoṛṛetta sulal᷊ummu Wuke Susi sarun matipussa.

YOEL 2:1

Paniuppe trompetta, patuntingia'e tatialan asasilaka su wuiddu Sion apan susi, aṛṛa'uanu Ruata. Pangngiladde, ei tumana'u Yehuda! Ana waugu Allon Mawu maranite wuṛṛu mal᷊ihakke rumanta.

YEREMIA 51:6

Panal᷊amatte watangannu! Tal᷊angke wuassu Babel, arie i yamiu lai iapate ana waugu paddarosane! Ana waugu indete tempone i Ya'u mabbal᷊issa al᷊al᷊eon Babel, wuṛṛu makkuumanni tou uasul᷊ungngu inolaanne.

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

YESAYA 63:4

I Ya'u buatte nanggol᷊agu allo ipabbal᷊issa, wuṛṛu tempon pamamallossu uma-U.

YESAYA 13:6

Lalluaite, ana waugu allo Mawu maranite, eteudde allon papate apan niaparanta Mawu Apan Lembontaṛṛino.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

AYUB 24:1

Anio Ruata tawe nanantunnu allo pakkuunganna, tadea'u manga taumata apan masingkan-Ne maasomba atatul᷊idda?

YESAYA 31:8

Asyur sarun ṛaddaanna sulal᷊ummu pangalo, arawe wal᷊ine ringannu auatannu taumata. Taumatan Asyur sarun tumal᷊angnga wuassu papangaloanna, wuṛṛu manga umbasanni mangitou sarun olaanna allangnga.

YEREMIA 12:12

Wuassu samba'an wadda'u anne su panenteanna, manga taumata nirumanta maddea'a mangaṛṛo. I Ya'u nandantan pangalo panggohakku ahewallu wanua ma'oman sara tate sangkatou apan botongnge mabbiakka su paddarame.

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

YEREMIA 50:18

Ana waugu udde, i Ya'u, Mawu Apan Lembontaṛṛino, Ruatan Israel, sarun makkuumanni Ratu Nebukadnezar wuṛṛu wanuane ere lai Ya'u nakkuumannu ratun Asyur.

YEHEZKIEL 21:28

“Ei taumata apan mattate, pani'atte! Pasingkata'e su taumatan Amon apan buatte nallobbossa Israel, manungku i Ya'u, Mawu Apan Atanggaṛṛanne nabbisara, ‘Halele sammata nariahite ipamate; hal᷊ele udde buatte niasa lullendappa ere sawallo, tadea'u nasaddiate ipamate.

ZAKARIA 6:6

Keretan pangalo apan wawol᷊engannu awal᷊o ma'itumma inai watukku Babel su sawannakka. Awal᷊o mawira watukku waṛṛatta wuṛṛu awal᷊o boṛṛenganna mattudda watukku araratuanna su timukka.”

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.