YEREMIA 44:28 - WUKE SUSI WATTI'U AL᷊AL᷊USASSA

²⁸ Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.

YEREMIA 44:28 Referans Kwoze

YEREMIA 44:14

Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”

YESAYA 10:19

Manga aaluanna sarun mallambe ete addio'a, sara ana'a maraddio'a lai wotongnge mandeengnga.

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

YEREMIA 44:29

I Ya'u sarun mandantan asasilaka si yamiu su tampa indi tadea'u ipaniala si yamiu manungku ṛuumanna apan Ta'u nihol᷊aga atonna-tonna mariaddi.

DARALO 33:11

Arawe ṛiinnu Mawu sidutu ta'e aroddi, apan niatokke uata'a su al᷊o'engngu tempo.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

REENGANNA 14:41

Arawe i Musa nabbisara, “Anio i yamiu orassa indi lumawangnga parentan Mawu? I yamiu tawe maasomba!

YESAYA 10:22

Salaiwe taumatan Israel orassa indi anambone uasul᷊ungngu anne su apanne, tumba'u manga pirang katou apan mawelengnga. Ṛuumannu Mawu maranite, wuṛṛu atonna se'e lai matul᷊idda walahanna udde pateanna.

YEREMIA 42:17

Anambon taumata apan naungnge nautulle apan inai su Mesir wuṛṛu matana'a poiaroddi sarun mate sulal᷊ummu pangalo, ara'e nate amal᷊unusanna ara'e al᷊aṛṛusa'itta. Tawe saran sangkatou apan mal᷊iu wuassu asasilaka apan Ta'u iaparanta si yamiu; sarangkanambone sarun mate.

YEREMIA 44:13

Ere lai Ya'u nakkuumannu Yerusalem, aroddi lai sarun Ta'u iṛṛuumanna i mangitou apan uatana'a su Mesir. I mangitou sarun nate sulal᷊ummu pangalo, ana waugu ṛutumma ara'e al᷊aṛṛusa'itta.

YEREMIA 51:50

Mawu nabbisara su taumatan Israel apan uatana'a su Babel, “I yamiu nal᷊iute wuassu pamamate! Nariaddi, roote orassa indi lai! Arie paṛṛaddo! Salaiwe i yamiu marau wuassu wal᷊en, pannaungke si Ya'u, Mawunu, wuṛṛu su Yerusalem.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;