Biblia Todo Logo
Bib sou entènèt

- Piblisite -




YEREMIA 44:27 - WUKE SUSI WATTI'U AL᷊AL᷊USASSA

27 I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

Gade chapit la Kopi




YEREMIA 44:27
16 Referans Kwoze  

Su ereapa dorone i Ya'u buatte nallu'adda si mangitou tadea'u wua'udde i Ya'u mangabbutta, maṛṛa'a wuṛṛu makkimunsa'a si mangitou, aroddi lai i Ya'u sarun mallu'adda si mangitou tadea'u i Ya'u manohassa wuṛṛu i mangitou mabbangunna apia.


Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”


Tumanange apan ta'e natantanga sarun Ta'u iwala maola'a inassu seenne, apan sarun malluatta laubba wuṛṛu mangaṛṛo wanuan mangitou.


Orassa indi sarangkanambone nuddusse. Ete indi panginsueannu. Tate antimma lai si yamiu.


Arawe ro'en i yami naddote mangonggollu sasamba su Ratun Surga, wuṛṛu tate lai mallal᷊innu anggore maola'a sasamba si tou, i yami niapauasannu al᷊awo'a; manga taumatang kami nate sulal᷊ummu pangalo ara'e ana waugu ṛutumma.”


Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.


I Ya'u buatte nakkawessa makkimunsa'a soa indi, wuṛṛu tawe umakkanne. Soa indi sarun itantilla su ratun Babel; i tou sarun manoṛṛobba ma'oman sara mepodda. I Ya'u, Mawu, buatte nabbisara.”


I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”


niapapasingkatta si Ebed-Melekh taumatan Sudan udde manungku Mawu Apan Lembontaṛṛino, Ruatan Israel, nabbisara arendi, “Ere buatte i Ya'u niwisara dorone, i Ya'u sarun mandanta su soa indi asasilaka, wuṛṛu wal᷊ine lal᷊umanna'a. I'o sarun maasilo olangnge udde mariaddi.


“Pangalo wuṛṛu al᷊aṛṛutumma apan iaata'utti yamiu sarun uatantalongnga si yamiu maddatingngu Mesir, wuṛṛu i yamiu sarun nate su wanua udde.


Ere lai Ya'u nakkuumannu Yerusalem, aroddi lai sarun Ta'u iṛṛuumanna i mangitou apan uatana'a su Mesir. I mangitou sarun nate sulal᷊ummu pangalo, ana waugu ṛutumma ara'e al᷊aṛṛusa'itta.


Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”


Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.


I'o, oh Mawu Ruatan kami, buatte nakkuumanni yami ringannu asasilaka apan buatte nisaddia-Nu; manara-Nu sidutu naṛṛino wuṛṛu matul᷊idda, arawe i yami tawe maddaringikka tingikku Mawu.


I Ya'u, Mawu Apan Atanggaṛṛanne, tantal᷊anna ma'uwasi araratuannu Israel apan marosa indi, wuṛṛu i Ya'u sarun mamappassa wuassu wowon dunia. Arawe papapulunni Yakub tawe sarangkanambone Ta'u pateanna. I Ya'u, Mawu, buatte nabbisara.


Ana waugu udde, paddaringikke apa apan i Ya'u, Mawu Apan Lembontaṛṛino, Ruatan Israel, sarun ma'ola'a: uma-U sarun Ta'u onggol᷊annu sasuanna mapetta annananna wuṛṛu pasangkadda iapa'inumma.


Swiv nou:

Piblisite


Piblisite