YEREMIA 44:22 - WUKE SUSI WATTI'U AL᷊AL᷊USASSA

^22-23 Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEREMIA 44:22 Referans Kwoze

YEREMIA 25:18

Yerusalem wuṛṛu anambon soa su Yehuda, suadio'a ringannu manga ratu wuṛṛu manga tembonannu araratuanna, Ta'u onggol᷊annu anggore udde, ma'oman sara i mangitou mabbal᷊i ere wadda'a apan mamara wuṛṛu ma'ata'utta. Naddatingngu allo indi aranni mangitou ipappaatta ipammontoga.

MALEAKHI 2:17

I yamiu na'ola'a Ruata nawusa ringannu tal᷊umamanu. Arawe i yamiu ma'iwal᷊o, “Ereapa i yamiu maawusa Mawu?” Ringannu mabbisara, “Anambon taumata apan ma'ola'a al᷊al᷊eo sassunnannu Mawu mapia, wuṛṛu i Tou mappulun mangitou.” Ara'e ringannu ma'iwal᷊o, “Suapa Ruata apan naudde matul᷊idda udde?”

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

YEREMIA 25:38

Naal᷊ihidda singa sinumabbangnga wuassu loṛṛangnge, aroddi lai Mawu sumabbangnga makkuumannu uman-Ne. Araṛṛagissu pangalo wuṛṛu asasa'u Mawu buatte namal᷊u wanua indi naola'a wadda'u anne.

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YEREMIA 18:16

Wanua indi buatte niola'i mangitou tampa apan maata'utta, wuṛṛu sarangkal᷊o'enge maola'a aal᷊uandaga. Sarangkanambone apan umamatta sarun mapapa'ilingngu pua ana waugu matta'utta.

YESAYA 43:24

I'o tawe namalli dupa mawangngi huna-Ku, tawe napaal᷊ai-U ringannu tawa sasamba nipotonnu. Ewe'e i'o mawal᷊i'a nangonggollu winabbawa si Ya'u ringannu manga rosanu, napaasusa-U ringannu manga pasasal᷊anu.

YESAYA 7:13

Ana see i Nabi Yesaya nabbisara, “Amungkangngu aroddi, paddaringikke ei papapulunni Ratu Daud! Tawe natimu i yamiu mannal᷊u'atta asasabbaren taumata, ma'oman sara i yamiu mannal᷊u'atta lai asasabbaren Duata'u?

ROMA 9:22

Aroddi lai apa apan buatte niola'u Ruata. I Tou maapulu mapaasabangngu naung-Nge lal᷊eo wuṛṛu mapaal᷊iatta'u taṛṛino-Ne. Arawe i Tou masabbare su saruanni mangitou apan sarun iṛṛuumanna ana waugu napaasa'un Tou.

AMOS 2:13

Orassa indi i yamiu sarun Ta'u itaddilla sara leta'a, na'oman sara i yamiu sumal᷊iomanna ere kereta apan nabbowon luranna gandumma.

DANIEL 9:12

I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEREMIA 44:6

Ana waugu udde i Ya'u napasabbangngu asasa'u-U wuṛṛu al᷊al᷊eo naung-Ku su manga soan Yehuda wuṛṛu manga lal᷊anna su Yerusalem. Sarangkanambone Ta'u nisoṛṛobba na'oman sara nabbal᷊i ete manga tuidda wuṛṛu nal᷊ol᷊okka ere lai aellehanna orassa indi.

YEREMIA 44:2

Eteindi tanata Mawu Apan Lembontaṛṛino, Ruatan Israel, si mangitou, “I yamiu sassane buatte naasilo asasilaka apan Ta'u niṛṛia'a su Yerusalem wuṛṛu su anambon soa waine su Yehuda. Na'oman sara orassa indi lai manga soa udde ta'e naṛṛimunsa'a tawe tumatanangnge.

YEREMIA 29:19

Sarangkanambone udde sarun mariaddi si mangitou, ana waugu i mangitou tawe tumuṛṛutta tanata-U apan sidutu Ta'u iapappasingkatta si mangitou wuassu manga nabi manga allang-Ku. I mangitou maddiri manutukka tanata-U udde.

YEREMIA 26:6

Amungkangngu i yamiu sidutu uatatana'a lullawangnga, wal᷊en patataṛṛamawuanna indi sarun Ta'u olanna ere Silo, na'oman sara anambon araratuanna su runia mappaattu arannu soan Yerusalem indi maola'a wawontoga.”

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

YEREMIA 15:6

I yamiu buatte nanol᷊a'a wuṛṛu nanantang-Ku, ana waugu udde i Ya'u namatten lima-U ipakkimunsa'a si yamiu, ana waugu i Ya'u nawusate maṛṛaddannu asasa'u-U.

YESAYA 1:24

Ana waugu udde Mawu Apan Lembontaṛṛino, Ruatan Israel nabbisara: “Ei, manga se'e-Ku, i Ya'u sarun mabbal᷊issa si yamiu, ma'oman sara i yamiu tate mapaasusa-U apia.

PANDARIADDI 19:13

ana waugu soa indi sarun soṛṛowanni yami. Mawu naaringikke manga aalae apan mawakkata su tumana'u soa indi, wuṛṛu i yami buatte nirolokki Tou iapaasoṛṛobba soan Sodom.”

PANDARIADDI 6:3

Ne Mawu nabbisarate, “I ya'u tawe mamalan taumata mabbiakka saran mal᷊annu-l᷊annu; i mangitou arariadianna apan mattate. Manattakka orassa indi uukki mangitou tawe manampal᷊iu wuassu 120 su tonnane.”

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

YEREMIA 48:9

Re'eta'e watun labbingngu Moab, ana waugu tate mal᷊annu lai wanua udde sarun ṛimunsaanna. Manga soane sarun mahohakka wuṛṛu tate saran sangkatou apan uatana'a poiaroddi.”

YEHEZKIEL 39:23

Wuṛṛu anambon balahanna sarun maatutukka manungku taumatan Israel nirolokka su pamuanganna ana waugu rosa mangitou su saruang-Ku. I mangitou Ta'u nitantangnga wuṛṛu Ta'u niwala niawaddo manga seetta wuṛṛu nipate sulal᷊ummu pangalo.

2 MARARATU 17:15

Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

YEREMIA 5:9

Apa tawe suṛṛinone i Ya'u makkuumannu walahanna ereudde wuṛṛu mabbal᷊issa anambon inolaanni mangitou?

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.