YEREMIA 44:17 - WUKE SUSI WATTI'U AL᷊AL᷊USASSA

¹⁷ Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEREMIA 44:17 Referans Kwoze

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

NEHEMIA 9:34

Al᷊amonan kami, ratu, imam wuṛṛu manga matatimmaddu wanua, nilumawangnga tita-Nu see tawe maddaringikka tita. Al᷊awo'u parenta wuṛṛu tataggu apan I'o buatte nangonggolla, tawe niapaamanne, tawe lai niraringiṛṛanna.

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

TAHIUL᷊E 23:23

Arawe amungkangngu i yamiu ringannu apulun naungngu maddiandin Mawu Ruatanu ṛinone i yamiu manipussa riandi udde.

SASABANGNGA 16:3

Unni mangitou, “Mappianne unnu wisara yami buatte nipate Mawu su Mesir. Poiaroddi yami mattingkadio'a wotongnge umaianna uminasa ṛemessa wuṛṛu umanna roti ma'oman sara mal᷊aidda. Arawe i yamiu nangapidi yami isindi tadea'u yami sarangkanambone mate amal᷊unusana.”

FILIPI 3:19

Wiakku manga taumata ereudde panginsueanne papate, ana waugu mawu mangitou eteudde apulun wadangngi mangitou sassane. Manga inolaanna apan maasili, eteudde ipammunga mangitou; ana waugu i mangitou tumba'u maṛṛingiddu manga inolaanna apan ipaapulun dunia indi.

YEREMIA 44:21

“Apa i yamiu massunna Mawu wagga ara'e naabul᷊ite manga sasamba apan nionggolla su manga soan Yehuda wuṛṛu su manga lal᷊annu Yerusalem ṛatangannu al᷊amonanu, ṛatangannu manga ratu wuṛṛu manga tembonannu, see tumana'u wanua indi wuṛṛu i yamiu sassane?

YEREMIA 19:13

Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

MAL᷊AṚṚUUNGNGA 11:36

Ana see maṛuala udde nabbisara si Yefta, “i Papa buatte nassalu su Mawu, wuṛṛu Mawu buatte namalan papa nabbal᷊issa al᷊al᷊eo manga taumatan Amon, seetti papa udde. Nariaddi apa apan buatte nipa'iren papa ṛinone iapaamatti papa.”

REENGANNA 30:12

Arawe amungkangngu su tempo naaringikka olangnge udde awingnge naningaddi tou, ne wawine udde tate aiitannu riandi ara'e pa'airene. Mawu sarun mangampungnga si tou, ana waugu i tou nisingaddu awingnga.

1 PETRUS 1:18

I yamiu masingkata apa apan buatte nipamaekka tadea'u ipamallosi yamiu wuassu pabbiaṛṛanna apan tawe gunane apan tinantillu iupungngu al᷊amonanu. Bawaekke wal᷊inewe saranapa apan wotongnge mawulle ere inai sal᷊a'a ara'e wul᷊awanna,

MARKUS 6:26

Naaringikka darorongnga udde, i Herodes mangke nasusa. Arawe i tou tawe mapanol᷊a'u darorongnga udde, ana waugu i tou suete nassalu su pattangngannu manga rahone.

YEREMIA 44:9

I yamiu naabul᷊iten anambon al᷊al᷊eo su leta'u Yehuda wuṛṛu su manga lal᷊annu soan Yerusalem apan buatte niola'u al᷊amonanu, manga ratun Yehuda wuṛṛu manga awingnge, see i yamiu wuṛṛu manga awingngi yamiu?

YESAYA 48:5

Ne ro'en dorone i Ya'u buatte nani'atta; tantal᷊anna taambe nariaddi, buatte Ta'u niapasingkatta, tadea'u i'o arie mabbisara manungku udde inolaannu manga paal᷊uanna sassubbannu.

DARALO 106:6

I yami narosate ere al᷊amonan kami; i yami buatte na'ola'a al᷊al᷊eo wuṛṛu nilumawanga.

DARALO 12:4

Paillol᷊oa'e manga wisara apan massal᷊o'a udde, Mawu, paal᷊addawa'e manga taumata apan matal᷊umama,

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

REENGANNA 30:2

Amungkangngu sangkatou esakka maddiandi ara'e ma'ire ringannu riandi ringannu sasalu su Mawu, na'oman sara i tou uanaungnga watanganne aiitannu sambau riandi, i tou ṛinone ma'ola'a apa apan pina'irene udde, wuṛṛu tawe wotongnge mamahia.

2 TAWARIKH 28:23

I tou nanilaka watanganne wuṛṛu tumanangnge ana waugu nangonggolu sasamba su manga mongannu taumatan Siria apan buatte namaddon tou. I tou maṛṛingidda, “Manga mongannu Siria buatte nassumbala manga ratun Siria, nariaddi amungkangu i ya'u mangonggolu sasamba si mangitou, asinungka i mangitou lai sarun umontolla si ya'u.”

YEREMIA 1:16

I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

YEREMIA 11:12

Ana see taumatan Yehuda wuṛṛu tumana'u Yerusalem inaite naiontolla su manga mawu waine apan sassubbanni mangitou ringannu nangonggollu sasamba. Manga mawu tawe mapanal᷊amatta si mangitou sutempo asasilaka udde rumanta.

YEREMIA 18:15

Arawe uma-U buatte naabul᷊i-U, wuṛṛu mannambunnu amania su paal᷊uanna. I mangitou nitara su lal᷊anna paarorone apan ṛinone amatanni mangitou, wua'udde sinumewadda su lal᷊anna apan taambe nilaukka.

YEHEZKIEL 8:16

I ya'u niapid-De watukku rallakka sulal᷊ummu Wal᷊en Mawu. Marani ngara sasuttanna watukku wabbo'a susi, suwallattu mezbah wuṛṛu lal᷊anna, pia duan pul᷊o l᷊ima su atoune taumata. I mangitou uatal᷊iudda wabbo'a na'ukkassa, wuṛṛu ual᷊intudda watukku ra'i massubba matannallo sumabbangnga.

YEHEZKIEL 20:32

I yamiu maapulu massulungngu manga walahanna waine wuṛṛu tumana'u manga wanua waine apan maasubba aaluanna wuṛṛu watu. Arawe apulunu udde tawe maola'a.’ ”

YEHEZKIEL 23:41

Wua'udde itarua niuma'ianna su wowon tampa atatiil᷊anna apan maṛṛansanga. Su saruanne pia medda apan napenen anna ua'imbe, nasutta amania wuṛṛu lanan zaitun apan buatte Ta'u nionggolla si tarua.

HABAKUK 1:16

Ana see soma udde nionggolli mangitou wuṛṛu niola'a sasamba, ana waugu ringannu soma udde i mangitou buatte naasomba wiakka manambo-nambo wuṛṛu mabbiakka su lal᷊umanna'a.

YEREMIA 7:17

I'o buatte naasilo sassane apa apan a'olaanni mangitou su manga soan Yehuda wuṛṛu su manga lal᷊anna su Yerusalem!