YEREMIA 44:14 - WUKE SUSI WATTI'U AL᷊AL᷊USASSA

¹⁴ Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”

YEREMIA 44:14 Referans Kwoze

ROMA 9:27

Nabi Yesaya nabbisara ringannu maṛṛagissa su ola'u walahannu Israel, “Salaiwe reengannu walahannu Israel anambone ere anne su tahal᷊oangnga, tumba'u matul᷊ungnga apan masal᷊amatta;

YEREMIA 42:17

Anambon taumata apan naungnge nautulle apan inai su Mesir wuṛṛu matana'a poiaroddi sarun mate sulal᷊ummu pangalo, ara'e nate amal᷊unusanna ara'e al᷊aṛṛusa'itta. Tawe saran sangkatou apan mal᷊iu wuassu asasilaka apan Ta'u iaparanta si yamiu; sarangkanambone sarun mate.

YESAYA 10:20

Tempone sarun dumanta lamben walahannu Israel apan naralukka tate lai mangantimmu wiakke su walahanna apan uaparenta apan maranite mamate si mangitou, ewe'e lai Mawu, Ruata susin Israel.

YESAYA 4:2

Sarun dumanta tempone Mawu ma'ola'a suapan sinuananna wuṛṛu aaluanna tumuwo maola'a masallakka wuṛṛu maṛṛansangnga su wanua indi. Su allo udde taumatan Israel apan naralukka sarun mamendamma al᷊al᷊uassa waugu hessin pangitinganna.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

ROMA 2:3

Arawe i yamiu, manga tuṛṛangnga, ma'ola'a sassane lai manga inolaanna apan ipangngansilli yamiu su manga taumata waine! Wuṛṛu su ṛingiddi yamiu, i yamiu wotongnge mal᷊iudda wuassu ṛuumannu Duata?

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

YEREMIA 42:22

Ana waugu udde, naungete: su wanua apan rantanni yamiu wuṛṛu matana'a isudde, i yamiu sarun mate sulal᷊ummu pangalo, ara'e waugu ṛutumma ara'e al᷊aṛṛusa'itta.”

YEREMIA 22:10

Taumatan Yehuda, ariete massusa su papaten Ratu Yosia. Luaite si Yoahas anangnge esakka ana waugu i tou niapidde wuṛṛu tate mabbelengnga apia. Leta'a niasungkanganne tate ellehanne apia.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

YEREMIA 44:26

Arawe orassa indi paddaringikke apa apan Ta'u iwisara si yamiu, ei taumatan Israel su Mesir: i Ya'u, Mawu, massalu ringannu arang-Ku apan mawantuga manungku i yamiu tate lai Ta'u iwala mappaattu arang-Ku ipakiinnu sambau paaire. I yamiu tawe wotongnge mabbisara, ‘I Ya'u massalu ringannu arannu Ruata apan biakka!’

YEHEZKIEL 20:38

Manga lumal᷊awangnga wuṛṛu mandal᷊al᷊eo sarun Ta'u iramme wuassu wallatti yamiu. I mangitou sarun Ta'u iapidda sumabbangnga wuassu manga wanua tampa atatanaanni mangitou orassa indi wuṛṛu tawe Ta'u iwala mabbelengnga su leta'u Israel. Ne i yamiu naasingkatte manungku i Ya'u Mawu.”