YEREMIA 44:13 - WUKE SUSI WATTI'U AL᷊AL᷊USASSA

¹³ Ere lai Ya'u nakkuumannu Yerusalem, aroddi lai sarun Ta'u iṛṛuumanna i mangitou apan uatana'a su Mesir. I mangitou sarun nate sulal᷊ummu pangalo, ana waugu ṛutumma ara'e al᷊aṛṛusa'itta.

YEREMIA 44:13 Referans Kwoze

YEREMIA 43:11

I Nebukadnezar sarun dumanta wuṛṛu mamaddo Mesir. Wuṛṛu manga taumata apan buatte nitantunna mate ana waugu al᷊aṛṛusa'itta sarun maten al᷊aṛṛusa'itta. I mangitou apan nitantunna iapidda maola'a tawananna sarun iapidda maola'a tawananna, wuṛṛu nitantunna mate sulal᷊ummu pangalo sarun mate sulal᷊ummu pangalo.

YEREMIA 11:22

Ana waugu udde, Mawu Apan Lembontaṛṛino nabbisara, “I Ya'u sarun makkuumanni mangitou! Manga taumata dario'i mangitou sarun nate sulal᷊ummu pangalo, wuṛṛu al᷊aṛṛana'i mangitou sarun nate amal᷊unusanna.

YEREMIA 42:18

Su ereapa i Ya'u, Mawu Ruatan Israel napasabbangngu asasa'u wuṛṛu araṛṛagi-U su tumana'u Yerusalem, aroddi lai Ya'u mapasabbangngu araṛṛagi-Ku si yamiu apan inai watukku Mesir. Taumata sarun marantinna maasilo si yamiu; i yamiu sarun heloanna, wuṛṛu arannu tate ipaatta maola'a wawontoga. I yamiu tate maasilo apia leta'a niariaddiannu indi.”

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 21:9

Suapan taumata apan uatana'a sulal᷊ummu soa sarun mate ana waugu pangalo, ṛutumma, al᷊aṛṛusa'itta. Arawe i mangitou apan sinumabbangnga nanantillu watanganne su taumatan Babel apan tantal᷊anna mammangalo soa indi, sarun mal᷊iu wuṛṛu tawe pateanna.

YEREMIA 42:16

“Pangalo wuṛṛu al᷊aṛṛutumma apan iaata'utti yamiu sarun uatantalongnga si yamiu maddatingngu Mesir, wuṛṛu i yamiu sarun nate su wanua udde.

YEREMIA 42:17

Anambon taumata apan naungnge nautulle apan inai su Mesir wuṛṛu matana'a poiaroddi sarun mate sulal᷊ummu pangalo, ara'e nate amal᷊unusanna ara'e al᷊aṛṛusa'itta. Tawe saran sangkatou apan mal᷊iu wuassu asasilaka apan Ta'u iaparanta si yamiu; sarangkanambone sarun mate.

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.