YEREMIA 44:10 - WUKE SUSI WATTI'U AL᷊AL᷊USASSA

¹⁰ Arawe naddatingngu allo indi i yamiu tawe sumallungngu watangannu. I yamiu tawe mangaddatta si Ya'u wuṛṛu tawe mabbiakka tumuṛṛuttu tita apan Ta'u nionggolla si yamiu wuṛṛu su al᷊amonanu.

YEREMIA 44:10 Referans Kwoze

AMSAL 28:14

Pangaddate Mawu sidutu, ne i'o sarun su lal᷊umanna'a. Amungkangngu i'o lumawangnga si Tou, i'o sarun maasomba asasilaka.

SONDAPPA 15:4

Isai apan tawe matta'uttu, Mawu? Isai maddiri mamasingkatu awawantu-Gu? Tumba'u I'o apan na'ukkassa. Al᷊awo'u walahanna sarun rumanta massubba Si'o ana waugu manga parenta-Nu apan matul᷊idda suete niaasiloannu anambon taumata.”

1 PETRUS 5:6

Ana waugu udde panantillen watangannu su al᷊ungngu liman Duata apan matohassa, tadea'u i Tou mapaatanggaki yamiu napawe nia'omante tempone.

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

LUKAS 23:40

Arawe taumata lal᷊eo sangkatou lai nanagu hawene udde, unni tou, “Apa i'o tawe matta'uttu Ruata? I'o su sampunna niṛṛuumanna na'oman sara mate ere i Tou.

MATIUS 27:54

Tembonannu tantara wuṛṛu manga tantara apan tantal᷊anna uariaga Mawu Yesus, mangke matta'utta su tempo naapendamma linukka wuṛṛu al᷊awo'u apa apan suete nariaddi udde. I mangitou nabbisara, “Atonna, i Tou indi Ana'u Ruata!”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

YEHEZKIEL 9:4

“Roote watukku al᷊awo'u pappi'uannu soa wuṛṛu tialaite pakkannu manga taumata apan uapendamma asiangnga wuṛṛu massusa ana waugu anambon inolaanna maarantinna apan niola'a su soa udde.”

YEREMIA 36:24

Salaiwe i Elnatan, i Delaya, wuṛṛu i Gemarya mangke sussal᷊ande tadea'u ratu tawe manutungnga buke lalul᷊unanna udde, arawe i tou maddiri maddaringikka si mangitou. Mawae ete ratu aroddi lai manga tembonanne apan naaringikka lal᷊oṛṛon buke udde tawe mata'utta ara'e pia apendamma sussassilla.

YEREMIA 10:7

Isai apan maddiri mangimanna Si'o, ratun al᷊awo'u walahanna? Atonna, I'o ṛinone a'addatanna. Wuassu anambon apan pande suwallattu manga walahanna wuṛṛu wuassu anambon manga ratu mangitou, tawe saran sangkatou apan botongne isul᷊ungnga ringannu watangan-Nu, oh Mawu.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

AMSAL 16:6

Taumata apan matuṛṛutta Ruata sarun maasomba aampungnga; Taumata apan mangngimanna sarun mal᷊iudda wuassu al᷊awo'u al᷊al᷊eo.

AMSAL 14:16

Taumata pia budine sidutu uatehamma wuṛṛu mangngindau wuassu al᷊al᷊eo, taumata woddo nasa'u, wua'udde naapendamma mal᷊angnganna.

AMSAL 8:13

Mangaddatta Mawu atappasanne maddantinnu al᷊al᷊eo; i ya'u maddirin awawunga wuṛṛu atatanggakka. I ya'u maddantinnu pallal᷊agu apan dal᷊eo wuṛṛu manga wisara apan awusu.

DARALO 51:17

Oh Mawu, ontol᷊ewe i ya'u mabbisara, ne i ya'u sarun maddalo Si'o.

DARALO 34:18

Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

2 TAWARIKH 33:12

Sulal᷊ummu asasusane udde i tou sinumallungngu watanganne su saruannu Mawu Ruatane, wuṛṛu niumal᷊iomanna maddorongnga aontolu Mawu.

2 TAWARIKH 32:26

Arawe panginsueanne i Hizkia wuṛṛu manga taumatan Yerusalem sinumallungngu watanganne, ne su al᷊annune i Hizkia ta'e wiakka ṛuumanna udde sidutu iapaamatta.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

1 MARARATU 21:29

“I'o buatte naasillo ereapa i Ahab nattingkawawon batangane su saruang-Ku? Ana waugu udde, i Ya'u tawe mandantan asasilaka tantal᷊anna i tou ta'e wiakka. Sutempon anangnge wakkute udde i Ya'u mandantan asasilaka su amonanne.”

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

SASABANGNGA 9:30

Arawe i ya'u masingkatta manungku i Tuangku wuṛṛu manga mammamanaran araratuanna taambe lai mata'uttu Ruata.”

SASABANGNGA 9:17

Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

DARALO 78:10

I mangitou nilumawanga paairen Duatan mangitou, wuṛṛu maddiri tumuṛṛutta tita-Ne.

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

YEREMIA 26:4

Mawu nandolo'u mabbal᷊o ereindi si mangitou, “I Ya'u, Mawu, buatte namarenta tadea'u i mangitou tumuṛṛutta si Ya'u wuṛṛu mappaamattu manga tita apan buatte Ta'u nionggolla si yamiu.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.

YESAYA 42:24

Isaite apan nanantillu Israel iapaaṛṛo? Wal᷊inewe Mawu udde sassane? Ete su saruanni Tou i ite ma'ola'a rosa, i ite tawe mabbiakka tumuṛṛuttu parenta-Ne, wuṛṛu tawe maddaringikka al᷊aṛṛang-Ne.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.