YEREMIA 43:11 - WUKE SUSI WATTI'U AL᷊AL᷊USASSA

¹¹ I Nebukadnezar sarun dumanta wuṛṛu mamaddo Mesir. Wuṛṛu manga taumata apan buatte nitantunna mate ana waugu al᷊aṛṛusa'itta sarun maten al᷊aṛṛusa'itta. I mangitou apan nitantunna iapidda maola'a tawananna sarun iapidda maola'a tawananna, wuṛṛu nitantunna mate sulal᷊ummu pangalo sarun mate sulal᷊ummu pangalo.

YEREMIA 43:11 Referans Kwoze

YEREMIA 44:13

Ere lai Ya'u nakkuumannu Yerusalem, aroddi lai sarun Ta'u iṛṛuumanna i mangitou apan uatana'a su Mesir. I mangitou sarun nate sulal᷊ummu pangalo, ana waugu ṛutumma ara'e al᷊aṛṛusa'itta.

YEREMIA 15:2

Amungkangngu i mangitou maiwal᷊o si'o watukku apa i mangitou massal᷊iu, simbakke arendi, ‘Mawu nabbisara, apan nitantunna mate ana waugu maradda'a wala'e i tou mate ana waugu sa'itta. Apan nitantunna mate sulal᷊ummu pangalo wala'e i tou mate sulal᷊ummu pangalo! Apan nitantunna mate ana waugu mal᷊unussa wala'e i tou maten al᷊al᷊unussa! Apan nitantunna maola'a tawananna wala'e i tou iluranna maola'a tawananna!’

ZAKARIA 11:9

Wua'udde i ya'u nabbisara su ammul᷊annu domba udde, “I ya'u maddirite mallu'adda si yamiu apia. Iapa matete wal᷊a'e i tou nate, wuṛṛu iapa masilaka, wala'e i tou masilaka. Ana see lambene walate i mangitou mapapate.”

YEREMIA 25:19

Eteindi manga arannu manga taumata waine apan ṛinone ma'inumma wuassu halasin anggoru Mawu udde: ratu Mesir ringannu manga mammamanarane wuṛṛu tembonannu araratuanna; anambon taumatan Mesir wuṛṛu taumata raho su Mesir; anambon ratu su wanua Us; anambon ratu su manga soa Filistin su Askelon, Gaza, Ekron; anambon taumata apan ta'e wiakka su Asdod; anambon taumatan Edom, Moab wuṛṛu Amon; anambon ratu su Tirus wuṛṛu Sidon; anambon ratu su wageangngu apannu Tahal᷊oangngu Tangngane; manga soa Dedan, Tema, wuṛṛu Bus; anambon taumata apan mammol᷊o utangnge maautta; anambon ratun Arab; anambon ratun manga ṛuanganna nallal᷊o'a apan uatana'a su wadda'u anne; anambon ratu su Zimri, Elam, wuṛṛu Madai; anambon ratu su sawannakka, marau wuṛṛu marani, sangkatou ringannu sangkatou. Al᷊awo'u walahanna su ahewallu runia ṛinone ma'inumma anggore udde. Wuṛṛu taumata panginsueanne apan ṛinone ma'inumma anggore udde eteudde ratun Babel.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

AYUB 20:29

Uddewe pal᷊addu taumata apan mapontol᷊osanna, pal᷊adda apan tinantunnu Ruata si tou.”

SONDAPPA 13:10

“Taumata apan ṛinone iṛṛuumanna, atonna i tou sarun iṛṛuumanna. Wuṛṛu taumata apan ṛinone pateannu hal᷊ele, atonna i tou sarun pateannu hal᷊ele. Ana waugu udde walahannu Ruata ṛinone matammuda wuṛṛu matuṛṛuta.”

YEREMIA 25:15

Mawu, Ruatan Israel, nabbisara si ya'u, “Panganute halasin anggore indi apan buatte nilloṛṛoannu anggoru asasa'u-U. Apira'e su al᷊awo'u walahanna watukkuapa i'o Ta'u irolokka, wuṛṛu i mangitou doloṛṛa'e painuma'a anggore indi.

YEREMIA 42:22

Ana waugu udde, naungete: su wanua apan rantanni yamiu wuṛṛu matana'a isudde, i yamiu sarun mate sulal᷊ummu pangalo, ara'e waugu ṛutumma ara'e al᷊aṛṛusa'itta.”

YEHEZKIEL 29:11

Tawe taumata ara'e winatangnga apan umamatta isudde. Al᷊annune appatu pul᷊o su tonnane tawe taumata apan matana'a isudde.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.