YEREMIA 42:5 - WUKE SUSI WATTI'U AL᷊AL᷊USASSA

^5-6 I mangitou nabbisara si ya'u, “I yami sumal᷊ande si Papa umal᷊iomanna su Mawu Ruatang kite, ana waugu i yami tumuṛṛutte si Tou, tadea'u wiakki yami maola'a mapia. Nariaddi, mapia ara'e lal᷊eo tanata Mawu udde, i yami sarun tumuṛṛutta. Wala'e Mawu maola'a matatialane apan matul᷊idda wuṛṛu satia si yami, amungkangngu i yami tawe tumuṛṛutta anambon parenta nionggollu Mawu si yami wuassi Papa.”

YEREMIA 42:5 Referans Kwoze

PANDARIADDI 31:50

I Laban nabbisara apia, “Amungkangu i'o ma'ola'a al᷊al᷊eo su al᷊aṛṛana'u, ara'e ma'awingngu manga wawine waine, salaiwe taweddu maasingkatta, paanaunge Ruata uariaga si ite.

MAL᷊AṚṚUUNGNGA 11:10

I mangitou sinumimbakka, “Yami maapulu. Mawu matatialane.”

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 1:5

wuṛṛu wuassi Yesus Kristus, mattatiala apan matuṛṛuta. Ete i Tou apan paarorone niapaawiakka apia wuassu papate wuṛṛu ete i Tou ahebbal᷊anne uaparenta manga ratun runia. Mawu Yesus mandangngu si ite, wuṛṛu ringannu papate-Ne, i Tou napaal᷊iung kite wuassu manga rosang kite,

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

MALEAKHI 2:14

I yamiu ma'iwal᷊o i Tou maddirite manengkamma sasamba udde. Ana waugu Mawu masingkatta i yamiu tate satia su wawine apan buatte niawingngi yamiu sutempo i'o ta'e umbasanna. Wawine udde hawe sulal᷊ummu pabbiaṛṛannu, arawe i yamiu buatte nallobbossa si tou, salaiwe su saruannu Ruata i yamiu buatte naddiandi tadea'u sidutu satia si tou.

MIKHA 1:2

Paddaringikke, ei manga walahanna! Panutukke, ei tumanangnge su ahewallu runia! Mawu Apan Atanggaṛṛanne rumanta maola'a tialane lumawangnga si yamiu sarangkanambone! Paddaringikke i Tou mabbisara Wuassu Wal᷊en-Ne apan susi su surga.

ROMA 1:9

I ya'u sidutu uanaungnga si yamiu amungkangngu i ya'u umal᷊iomanna. Ruata matatialane manungku apa apan iwabbatti'u udde atonna. Tumba'u i Tou Ruata apan sassubbangku ringannu ahewallu naungku ringannu namasingkattu Watti'u Al᷊al᷊uassa su ola'u Anang-Nge.

YEREMIA 5:2

I yamiu mabbisara manungku i yamiu massubba Mawu, wutte'e pandumanni yamiu wal᷊ine aroddi.

1 SAMUEL 20:42

Wua'udde i Yonatan nabbisarate si Daud, “Doronganna Ruata mantul᷊ungngu. Mawu sarun mallu'adda manungku iaddua wuṛṛu papapulunni addua sidutu uaagassa paairen kadua su saruannu Ruata.” Wua'udde i Daud niumamatte, wuṛṛu i Yonatan napul᷊ete lai watukku soa.

1 SAMUEL 12:5

Ana see i Samuel nabbisarate, “Su allo indi Mawu wuṛṛu ratu apan nipile-Ne maola'a tatiala manungku ya'u tawe sal᷊a'u sarangkadio'a.” “Ore, atonna, Mawu maola'a matatialang kite,” sasimbakki mangitou.

SASABANGNGA 20:19

Unni mangitou si Musa, “I'o pabbatti'a si yami, yami sarun maddaringikka; arawe ariewe Ruata mabbisara si yami, aṛṛengenne yami mate.”

SASABANGNGA 20:7

Imbaṛṛangnga managon arang-Ku walate asagone, ana waugu i Ya'u, Ruatanu, makkuumanni sai-sai apan walate assagoneng arang-Ku.

YEREMIA 43:2

Ana see i Azarya ana'i Hosaya wuṛṛu Yohanan ana'i Kareah see anambon taumata waine apan mawunga udde nabbisara si ya'u, “I'o mangngawusu. Mawu Ruatang kami tawe nandolokku maningaddi yami inai matana'a su Mesir.

YEREMIA 43:4

Mawae ete i Yohanan ara'e anambon perwira wuṛṛu tumana'u wanua maddiri tumuṛṛutta parentan Mawu tadea'u matana'a su Yehuda.

YEREMIA 42:20

manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.