YEREMIA 42:22 - WUKE SUSI WATTI'U AL᷊AL᷊USASSA

²² Ana waugu udde, naungete: su wanua apan rantanni yamiu wuṛṛu matana'a isudde, i yamiu sarun mate sulal᷊ummu pangalo, ara'e waugu ṛutumma ara'e al᷊aṛṛusa'itta.”

YEREMIA 42:22 Referans Kwoze

YEREMIA 42:17

Anambon taumata apan naungnge nautulle apan inai su Mesir wuṛṛu matana'a poiaroddi sarun mate sulal᷊ummu pangalo, ara'e nate amal᷊unusanna ara'e al᷊aṛṛusa'itta. Tawe saran sangkatou apan mal᷊iu wuassu asasilaka apan Ta'u iaparanta si yamiu; sarangkanambone sarun mate.

HOSEA 9:6

Amungkangngu asasilaka na'omate, wuṛṛu i yamiu niapidda su wanua waine, ne apan matantangnga suwallatti yamiu sarun iammullu manga taumatan Mesir tadea'u pateanna wuṛṛu ilabbingnga su Memfis! Nannal᷊o wuṛṛu rongnga sarun tumuwo manaappa manga tampa lanna'u wal᷊enu wuṛṛu manga saranapanu wuassu sal᷊a'a apan maarega.

YEHEZKIEL 6:11

Mawu Apan Atanggaṛṛanne nabbisara, “Asusate! Lallal᷊ote! Lalluaite ringannu asasusa ana waugu al᷊awo'u al᷊al᷊eo wuṛṛu ararantinna apan buatte niola'u walahannu Israel. I mangitou sarun mate su pangalo, al᷊aṛṛutumma wuṛṛu ṛiwutta.

YEREMIA 43:11

I Nebukadnezar sarun dumanta wuṛṛu mamaddo Mesir. Wuṛṛu manga taumata apan buatte nitantunna mate ana waugu al᷊aṛṛusa'itta sarun maten al᷊aṛṛusa'itta. I mangitou apan nitantunna iapidda maola'a tawananna sarun iapidda maola'a tawananna, wuṛṛu nitantunna mate sulal᷊ummu pangalo sarun mate sulal᷊ummu pangalo.

YESAYA 30:3

Arawe ratu sarun mapasassilli mangitou wuṛṛu tul᷊unganna apan a'antimanna wuassu Mesir tawe mariaddi.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

YEHEZKIEL 33:27

Waugu i Ya'u, Ruata apan biakka Mawu Apan Atanggaṛṛanne, manga taumata apan uatana'a su manga tuiddu soa udde sarun maten hal᷊ele. I mangitou apan uatana'a su manga wadda'a sarun inasannu winatangnga mal᷊aṛṛaga. I mangitou apan uaimbuni su manga wowone wuṛṛu manga loṛṛangnga sarun mate ana waugu al᷊aṛṛusa'itta.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.