YEREMIA 42:20 - WUKE SUSI WATTI'U AL᷊AL᷊USASSA

²⁰ manungku i yamiu buatte na'ola'a sambau pasasal᷊a apan wahewalla. I yamiu sussal᷊ande tadea'u i ya'u umal᷊iomanna su Mawu Ruatang kite hunang kamiu, wuṛṛu i yamiu naddiandi mapaamattu sarangkanambone apan niwisara Mawu.

YEREMIA 42:20 Referans Kwoze

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

GALATIA 6:7

Arie awahianna. Ruata tawe ianalangnga! Apa apan isuanna eteudde lai apan itinganna.

MATIUS 22:35

Sangkatou wuassu wallatti mangitou, eteudde sangkatou hurun agama, ma'annamma mapaasal᷊a Mawu Yesus ringannu sambau aiwal᷊o.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

YEREMIA 42:2

ringangku wuṛṛu nabbisara, “Papa, ere lai aellehenni Papa sassane, i yami indi dorone manambo, orassa indi ete addio'a. I yami sumal᷊ande si Papa umal᷊iomanni yami su Mawu Ruata apan sassubbanni Papa. Al᷊iomana'e i yami apan lambene indi,

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

YEREMIA 3:10

Napawe buatte na'ola'a sarangkanambone udde, Yehuda apan mal᷊awangnga udde mabbelengnga ringang-Ku arawe ringannu mammahia, ana waugu naungnge wengkolla. I Ya'u, Mawu, buatte nabbisara.”

DARALO 65:3

Ana waugu ete I'o naddaringikka aal᷊iomanna; anambon taumata nirumanta ringan-Nu ana waugu narosate.

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

YEREMIA 37:3

Ratu Zedekia nandolokki Yukhal ana'i Selemya, wuṛṛu Imam Zefanya ana'i Maaseya tadea'u maddorongnga si ya'u umal᷊iomanna su Mawu Ruata hunan hausannu walahanna.

YEREMIA 38:14

Su sambau tempo apan baine, Ratu Zedekia nandolokku taumata mangapi'u sumaruanna si tou su ngara pasallanganna apan atallune su Wal᷊e Mawu. I tou nabbisara si ya'u, “I ya'u mappulu maiwal᷊o si'o, wuṛṛu i'o ṛinone sumimbakka ringannu masema-semakka. Imbaṛṛangnga piaddu iwuni.”

YEREMIA 43:2

Ana see i Azarya ana'i Hosaya wuṛṛu Yohanan ana'i Kareah see anambon taumata waine apan mawunga udde nabbisara si ya'u, “I'o mangngawusu. Mawu Ruatang kami tawe nandolokku maningaddi yami inai matana'a su Mesir.

REENGANNA 17:3

wuṛṛu aranni Harun su ta'innu ṛuangannu Lewi. Suapan sangkatou piaṛṛa'u ṛuanganna, ṛinone pia ta'inna sambua.

YEREMIA 42:5

I mangitou nabbisara si ya'u, “I yami sumal᷊ande si Papa umal᷊iomanna su Mawu Ruatang kite, ana waugu i yami tumuṛṛutte si Tou, tadea'u wiakki yami maola'a mapia. Nariaddi, mapia ara'e lal᷊eo tanata Mawu udde, i yami sarun tumuṛṛutta. Wala'e Mawu maola'a matatialane apan matul᷊idda wuṛṛu satia si yami, amungkangngu i yami tawe tumuṛṛutta anambon parenta nionggollu Mawu si yami wuassi Papa.”