YEREMIA 42:11 - WUKE SUSI WATTI'U AL᷊AL᷊USASSA

¹¹ I ya'u tumaniten massusa ana waugu buatte nandantan asasilaka si yamiu. Ariete mata'uttu ratun Babel udde. I Ya'u supattangngannu tadea'u mantul᷊ungnga wuṛṛu mamallossi yamiu wuassu kuasane.

YEREMIA 42:11 Referans Kwoze

ROMA 8:31

Apa apan wotongnge iwisara orassa indi su ola'u sarangkanambone udde? Amungkangngu Ruata uasamba'a si ite, isai wotongnge lumawangnga si ite?

YEREMIA 1:8

Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

YESAYA 43:5

Imbaṛṛangnga mata'utta, ana waugu i Ya'u ual᷊u'adda si'o. Wuassu waṛṛatta wuṛṛu wuassu ra'i Ta'u irolokka ana'a pulunnu iaparanta ma'ammulla.

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

YEREMIA 27:17

Arie paddaringikka si mangitou! Passuṛṛubbawate su ratun Babel, tadea'u i yamiu masal᷊amatta. Apa hunane soa indi ṛinone maṛṛimunsa'a?

YEREMIA 15:20

I'o sarun Ta'u olaanna ere tanda'a witu'a su saruanni mangitou. I mangitou sarun mamangalo si'o, arawe tawe mapamaddonu. I Ya'u sarun uaṛundinganna tadea'u mallu'adda wuṛṛu manal᷊amatta si'o.

YESAYA 41:10

Arie mata'utta, ana waugu i Ya'u uaringanna si'o, arie passinggawanga, ana waugu i Ya'u Ruatanu. I'o Ta'u tohasanna wuṛṛu Ta'u itul᷊ungnga, Ta'u ehetanna ringannu lima-U apan mawantuga.

DARALO 46:11

Wisara-Ne, “Pangillol᷊ote mapapangalo; asingkatawe, i Ya'u indi Ruata, i Ya'u mawantuga suwallatu manga walahanna, mawantuga su ahewallu runia.”

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

TAHIUL᷊E 20:4

Mawu Ruatanu sarun tumantalongnga mantul᷊ungngi yamiu, wuṛṛu i Tou sarun mangonggolu auntunganna si yamiu.’

REENGANNA 14:9

Imbaṛṛangnga lumawangnga Mawu, wuṛṛu imbaṛṛangnga mata'uttu manga taumata apan uatana'a su wanua udde, ana waugu ringannu mal᷊uassa i ite mamaddon mangitou. Apan ual᷊u'adda si mangitou nanantangken mangitou, wuṛṛu Mawu uarundinganna si ite. Nariaddi, imbaṛṛangnga mata'utta.”

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YEREMIA 27:12

Si zedekia ratun Yehuda, i ya'u, Yeremia mamasingkattu watti'a apan uasul᷊ungnga. I ya'u mabbisara, “Passuṛṛubbawate su ratun Babel. Paatuṛṛutte si tou wuṛṛu araratuanne, tadea'u i Tuangnga masal᷊amatta.

DARALO 46:7

Ruata nirumallu'a, ne runia naṛimunsa'a; manga walahanna nata'utta, manga araratuanna nanawo.

2 MARARATU 25:26

Ne anambon tumana'u Yehuda, mawae ete ala ara'e lai asiangnga, suadio'a ringannu manga perwira ara'e tembonannu tantara tinumal᷊anga watukku Mesir ana waugu matta'utte taumatan Babel.

DARALO 118:6

I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.

YEREMIA 27:11

Arawe walahanna apan mappulu massuṛṛubbawa wuṛṛu mappulu tumuṛṛutta su ratun Babel sarun Ta'u iwala matana'a su wanuane sassane, wuṛṛu mabbailla isudde. I Ya'u, Mawu, buatte nabbisara.”