YEREMIA 42:10 - WUKE SUSI WATTI'U AL᷊AL᷊USASSA

¹⁰ ‘Amungkangngu i yamiu mappulu sidutu uatana'a su wanua indi, i Ya'u sarun mabbatunna si yamiu, wal᷊ine mamontolla; i Ya'u sarun mapararisikki yamiu, wal᷊ine manggohakka.

YEREMIA 42:10 Referans Kwoze

YEHEZKIEL 36:36

Ne manga walahanna al᷊indonganne apan ta'e isudde sarun maasingkatta manungku i Ya'u, Mawu, buatte napararisikku apia manga soa apan naṛṛimunsa'e, wuṛṛu nammanara apia manga wawail᷊anna apan nal᷊ol᷊okke. I Ya'u, Mawu, buatte nabbisara wuṛṛu atonna sarun ma'ola'a udde.”

YEREMIA 31:28

Su ereapa dorone i Ya'u buatte nallu'adda si mangitou tadea'u wua'udde i Ya'u mangabbutta, maṛṛa'a wuṛṛu makkimunsa'a si mangitou, aroddi lai i Ya'u sarun mallu'adda si mangitou tadea'u i Ya'u manohassa wuṛṛu i mangitou mabbangunna apia.

YEREMIA 24:6

I Ya'u sarun mallu'adda si mangitou wuṛṛu mangapiddi mangitou apia su wanua indi. I Ya'u sarun mapararisikka, tawe makka'an mangitou; i Ya'u sarun massuanna, wal᷊ine mangabbutta si mangitou.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

AMOS 7:6

Mawu namalu ṛiin-Ne apia wuṛṛu nabbisara, “Indi lai sarun tawe mariaddi.”

YEREMIA 33:7

Yehuda wuṛṛu Israel sarun Ta'u olaanna tumelengnga ere dorone wuṛṛu i mangitou sarun dumarisikka apia maola'a uma-U.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.

AMOS 7:3

Mawu namal᷊u ṛiin-Ne wuṛṛu nabbisara, “Apan niasiloannu udde tawe mariaddi.”

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

SASABANGNGA 32:14

Ne Mawu namal᷊u pandumanne wuṛṛu tate mapaamattu riin-Ne ipangema'a walahanna udde ringannu asasilaka.

WATTI'U MANGA RASUL 15:16

‘Napawe wua'udde i Ya'u sarun dumanta apia,’ unnu Mawu, ‘I Ya'u sarun mapararisikka apia wal᷊en Daud apan naṛṛaate wuṛṛu manul᷊en aolangnge nahohakka, see iapararisikka apia;

YEREMIA 26:19

Arawe i Ratu Hizkia wuṛṛu taumatan Yehuda tawe namate si Mikha. I Hizkia ewe'e lai nata'uttu Mawu wuṛṛu naiakkanna. Ne Mawu tate nanakkuttu asasa'u-Ne ipanilaka si mangitou. Wuṛṛu orassa indi, eteaddio'a i ite mandantan asasilaka apan wahewalla su watanganni ite.”

DARALO 106:45

Ana waugu i mangitou i Tou naanaungnga paaire-Ne wuṛṛu niumakkanni mangitou ana waugu darangngu-Ne apan wahewalla.

DARALO 102:16

Taṛṛinon Mawu iaata'uttu manga walahanna; wuṛṛu awawantu-Ge aaddatannu anambon datu,

DARALO 69:35

Paddalote Ruata, ei langitta wuṛṛu runia, tahal᷊oangnga wuṛṛu anambon riadianna sulal᷊umme.

DARALO 37:3

Pangimante Mawu, wuṛṛu pa'ola'e apapia, pamanuate su wanua udde wuṛṛu paatul᷊idda mabbiakka.

2 SAMUEL 24:16

Mala'ekattu Mawu apan uaapiddu papate na'omate su tampa pakkindanna gandumma tatahuananni Arauna, taumatan Yebus. Sutempo Mawu naasilo manungku mala'ekatta udde nasaddiate manginsue Yerusalem, Mawu namal᷊u laṛṛawen-Ne, ne mala'ekatta udde naddote nakkuumannu walahanna udde. Wisara-Ne su mala'ekatta udde, “Wotongngete! Addote!”

MAL᷊AṚṚUUNGNGA 2:18

Amungkangngu Mawu mangonggolu sangkatou piaṛṛa'a su walahannu Israel, Mawu sidutu ual᷊u'adda piaṛṛa'a udde. Su al᷊o'engngu piaṛṛa'a udde mabbiakka, Mawu sidutu mapal᷊iun mangitou wuassu manga seetti mangitou. I Tou u'akkanni mangitou napawe I Tou maaringikka i mangitou sussal᷊iomanna ana waugu pappateanna ara'e tawe maal᷊ore.

TAHIUL᷊E 32:36

Mawu sarun manal᷊amatta al᷊aṛṛanang-Nge wuṛṛu umakkannu manga allang-Nge, napawe i Tou maasilo i mangitou lomete wuṛṛu niasueanten atatohassa.

YEREMIA 27:11

Arawe walahanna apan mappulu massuṛṛubbawa wuṛṛu mappulu tumuṛṛutta su ratun Babel sarun Ta'u iwala matana'a su wanuane sassane, wuṛṛu mabbailla isudde. I Ya'u, Mawu, buatte nabbisara.”

YEREMIA 43:4

Mawae ete i Yohanan ara'e anambon perwira wuṛṛu tumana'u wanua maddiri tumuṛṛutta parentan Mawu tadea'u matana'a su Yehuda.

YUNUS 3:4

Yunus sinumutta su soa udde wuṛṛu napawe buatte niumamatta su al᷊o'engngu allo, i tou mannattakke mannase, wisarane, “Appatu pul᷊o su allone lai, Niniwe sarun maṛṛimunsa'a!”