YEREMIA 41:5 - WUKE SUSI WATTI'U AL᷊AL᷊USASSA

⁵ nirumantate siri ual᷊un pul᷊o taumata wuassu Sikhem, Silo, wuṛṛu Samaria. I mangitou buatte nangiṛṛi omengnga, nanggesa'a laubba, wuṛṛu ringannu mannatta'a awa'i mangitou. I mangitou uaapiddu gandumma wuṛṛu kemenyan ionggolla su Wal᷊en Mawu.

YEREMIA 41:5 Referans Kwoze

1 MARARATU 16:24

Arawe wua'udde i tou namalli sambau wowone areggane 6.000 roitta sal᷊a'a wuassu sangkatou aranne i Semer. Ana see i tou napararisikku sambau soa su wowone udde wuṛṛu nisaggone Samaria, tumuṛṛuttu aranni Semer, tatahuannu wowone udde dorone.

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

YOSUA 18:1

Napawe naapangaṛṛote wanua apan pina'iren Mawu, su taumatan Israel sarangkanambone naammula su Silo, ana see i mangitou napararisikku Rasanna Darantan Mawu.

TAHIUL᷊E 14:1

“Ete i yamiu al᷊aṛṛana'u Mawu Ruatanu. Nariaddi su tempo i yamiu lullal᷊on taumata nate, imbaṛṛangnga mallessa watangannu ara'e mangiṛṛi saruannu puanu ere apan buatte niola'u manga walahanna waine.

1 MARARATU 12:1

I Rehabeam inaite watukku Sikhem, ana waugu anambon tumana'u Israel su wageangngu sawannakka buatte na'ammulla poiaroddi manenegi tou maola'a ratu.

MAL᷊AṚṚUUNGNGA 9:1

Su allo sambau i Abimelekh ana'i Gideon inaite watukku soa Sikhem atatanaannu tuṛangngu ianangene. Poiaroddi i tou uahahatton mangitou, wisarane,

PANDARIADDI 33:18

Sulal᷊ummu amatanna wuassu Mesopotamia, i Yakub na'omate ringannu sal᷊amatta su soa i Sikhem su wanua Kanaan, ana see nangattingngu rasanne su sambau wadda'a maranin soa udde.

YESAYA 15:2

Tumana'u Dibon sinuma'a wuidda maddea'a luaianna su tampa passubbanna manga monganna. Tumana'u Moab ringannu massusa nilumallun soa Nebo wuṛṛu Medeba. I mangitou nangiṛṛi pua wuṛṛu omengnga tatiala massusa.

1 MARARATU 16:29

Su tonna tallun pul᷊o ual᷊u pamamarentan Ratu Asa su Yehuda, i Ahab ana'i i Omri naola'a ratu su Israel wuṛṛu uaparenta su Samaria ruan pul᷊o su tonnane al᷊annune.

1 MARARATU 12:25

Napawe naola'e ratun Israel, i Yerobeam nanohassa soan Sikhem su wageangngu penenteannu Efraim, ana see natana'a poiaroddi tal᷊angkadio'a. Wua'udde i tou inaite lai wua isudde wuṛṛu nanohassa soa Pnuel.

1 SAMUEL 1:7

Olangnge udde nariaddi, wuassu tonna ipa'alla tonna; amungkangu i mangitou inai su Wal᷊en Mawu, i Penine sidutu mangngeetta si Hana. Masokka i Hana lumuai wuṛṛu maddiri umanna ana waugu i tou aal᷊uandahanna.

YEREMIA 7:14

Ne, Wal᷊e-U apan pangngantinanni yamiu, wuṛṛu tampa apan Ta'u nionggolla su al᷊amonanu wuṛṛu si yamiu indi sarun Ta'u olaanna lai ere su Silo dorone.

YEREMIA 7:12

Roote watukku Silo, soa apan paarorone nabbal᷊i tampan patataṛṛamawaunna si Ya'u. Pa'ellege apa apan buatte Ta'u niola'a su tampa udde ana waugu rosan uma-U Israel.

DARALO 102:14

I'o sarun dumarisikka wuṛṛu umakkannu Sion, tempone nia'omante umakkanni tou.

2 SAMUEL 10:4

Ana see i Hanun nanametta manga daroloṛṛanni Daud udde, nangiṛṛi omengngi mangitou samba'a, namonggo'a laubbi mangitou aaunne sara tapanna'a ana see nandolokki mangitou niapaapul᷊e.

YOSUA 24:32

Winal᷊unanni Yusuf apan niapiddu ṛuangannu Israel wuassu Mesir, nilabingnga su Sikhem su leta'a apan buatte niwallianni Yakub, aregane maṛṛasutta roitta sal᷊a'a wuassu al᷊aṛana'i Hemor, iamangngi Sikhem. Leta'a udde tinantilla su papapulunni Yusuf.

PANDARIADDI 34:2

Napawe i Sikhem, ana'i Hemor taumatan i Hewi apan naola'a ratu su wageangnge udde naasilo si Dina, maṛṛuala udde tinal᷊angnge, ana see nilal᷊eon tou.

PANDARIADDI 37:12

Su allo sambau su tempo manga iaangngi Yusuf inaite watukku Sikhem mallu'adda ammul᷊annu ambinga domban iamangngi mangitou,

MAL᷊AṚṚUUNGNGA 18:31

Paal᷊uanna sassubbanna niola'i Mikha sidutu uaraddo su Lais su al᷊annune Rasannu Mawu ta'e udde su Silo.

DARALO 78:60

I Tou nanantangngu rasan-Ne su Silo, tampa atatanaan-Ne suwallatu taumata.

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

YEREMIA 41:4

Allo manansunna, tantal᷊anna pamamate si Gedalya taambe niasingkatannu taumata,

YEREMIA 47:5

Taumatan Gaza niaṛṛiaannu asasusa wahewalla; tumna'u Askelon nimoune. Sara tingngera taumatan Filistin lambene udde sidutu lullal᷊o?

YEREMIA 48:37

I mangitou sarangkanambone buatte nangiṛṛi uta'u pua wuṛṛu omengnga, nallessa ta'iakka, wuṛṛu nalluṛṛe nasa tatiala massusa.

YOEL 2:13

Hesa'e naungngu wuṛṛu wal᷊ine sahenggellu.” Panailete Mawu Ruatanu. I Tou masabbare wuṛṛu maakkanna masaṛṛionto'a wuṛṛu napenen darangngu. Mal᷊uassa mangampungnga wuṛṛu maddiri makkuumanna.

1 TAWARIKH 19:4

I Ratu Hanun nanametta manga daroloṛanni Daud udde, nangiṛṛi omengngi mangitou, namonggo'a laubba aaunne sara tapanna'a, wuṛṛu nandolokki mangitou niapapul᷊e.