YEREMIA 41:10 - WUKE SUSI WATTI'U AL᷊AL᷊USASSA

¹⁰ Wua'udde i Ismael nanametta manga sinangiannu ratu wuṛṛu anambon taumata apan ta'e uatana'a su Mizpa apan buatte nitantilli Nebuzaradan su lu'addi Gedalya. I Ismael nanawanna si mangitou ana see inaite suadio'a ringannu mangitou watukku wageangngu Amon.

YEREMIA 41:10 Referans Kwoze

YEREMIA 40:14

wuṛṛu nabbisara, “Masingkattawe i'o manungku i Baalis ratun Amon buatte nandolokki Ismael iapapate si'o?” Arawe i Gedalya tawe mangimanna wisara mangitou.

YEREMIA 40:7

Ratun Babel buatte nanenegi Gedalya maola'a gubernure su Yehuda mamarenta anambon taumata apan ta'e uatana'a su Yehuda, eteudde manga taumata apan aasianganne. Sangkawageanganna wuassu manga perwira wuṛṛu tantaran Yehuda tawe nassuṛṛubawa su Babel, naaringikka su ola'u pamamile si Gedalya udde.

NEHEMIA 2:19

Sutempo ṛiinani yami udde niasingkatanni Sanbalat, Tobia wuṛṛu Gesyem, sangkatou Arab, i mangitou nilumagge wuṛṛu mangngal᷊uandaga si yami. Unni mangitou, “Apate apan sarun olaanni yamiu? Apa i yamiu mappulu lumawangnga ratu?”

NEHEMIA 2:10

Arawe sutempo Sanbalat, taumatan Bet-Horon, wuṛṛu Tobia, sangkatou tembonanne wuassu Amon, naaringikka manungku i ya'u nirumata hunan hausannu walahannu Israel, i mangitou mangke sinumassilla.

YEREMIA 39:6

Su soa udde lai manga anangnge nipate aellehanne sassane, wuṛṛu anambon tembonannu Yehuda lai nipate.

YEREMIA 22:30

“Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

YEREMIA 38:23

I ya'u nabbisara apia, “Anambon ana'a, awingngi Tuangnga sarun iapidda ringannu taumatan Babel. I Tuangnga sassane lai tawe maatal᷊angnga si mangitou. Tuangnga sarun sametannu ratun Babel, wuṛṛu soa indi soṛṛowanna sara masue.”