YEREMIA 41:1 - WUKE SUSI WATTI'U AL᷊AL᷊USASSA

¹ Su wul᷊anna appitune tonna udde i Ismael ana'i Netanya wuṛṛu pulunni Elisama inaite suadio'a ringannu siri mapul᷊o taumata watukku Mizpa inai maisasomban Gedalya. (Ismael udde sangkatou papapulunnu ratu, sangkatou suwallattu perwira matanggakku araratuanna.) Tantal᷊anna i mangitou sarangkanambone u'anna suadio'a,

YEREMIA 41:1 Referans Kwoze

YEREMIA 40:8

Ne i Ismael ana'i Netanya, i Yohanan ana'i Kareah, i Seraya ana'i Tanhumet, wuṛṛu al᷊aṛṛana'i Efai wuassu Netofa, see i Yezanya wuassu Maakha inaite ringannu manga taumata mangitou ringanni Gedalya su Mizpa.

YEREMIA 40:6

I ya'u nanute ringanni Gedalya su Mizpa, wuṛṛu natana'e ringanni tou suwallattu tumana'u wanua apan nitantangnga su wanua Yehuda.

DARALO 41:9

I mangitou mabbisara, “Radange mawakkate atonna, i tou lai maawangunna.”

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

YEHEZKIEL 17:13

See i tou namile sangkatou wuassu amonannu ratun Yehuda udde, na'ola'a pa'aire ringanni tou, wuṛṛu i tou nirolokka massalu tadea'u sidutu satia si tou. Ratun Babel udde nanametta manga taumata wahahewalla,

YEREMIA 36:20

Manga tembonanne udde nangaddon buke lalul᷊unanna udde su wabbo'an Elisama, ruddutul᷊issa udde, wua'udde inaite ringannu ratu namasingkattu sarangkanambone.

YEREMIA 36:12

Ana see i tou inaite watukku wal᷊en araratuanna, su antorin ruddutul᷊issu araratuanna. Isudde anambon tembonanne tantal᷊anna maammulla. I Delaya ana'i Semaya, i Elnatan ana'i Akhbor, i Gemarya ana'i Safan, i Zedekia ana'i Hananya, i Elisama ana'u sangkatou ruddutul᷊issa, wuṛṛu manga tembonanne waine isudde.

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

DARALO 109:5

I mangitou nabbal᷊issa apapia'u ringannu al᷊al᷊eo, wuṛṛu darangngu'u ringannu ararantinna.

2 TAWARIKH 22:10

Napawe i Atalya naasingkatta manungku i Ratu Ahazia anangnge natete, i tou namarenta tadea'u amonannu ratun Yehuda sarangkanambone pateanna.

2 MARARATU 25:25

Arawe su wul᷊anna appitune su tonna udde i Ismael ana'i Netanya wuṛṛu pulunni Elisama apan ta'e lai pallal᷊awannu ratu, inaite suadio'a ringannu siri 10 su atoune watukku Mizpa. I mangitou namangalo wuṛṛu namate si Gedalya suadio'a ringannu taumatan Yehuda, wuṛṛu taumatan Babel apan susampunna ringanni Gedalya isudde.

2 MARARATU 11:1

Napawe i ratu wawine i Atalya naasingkatta manungku Ratu Ahazia, anangnge, natete, i tou namarenta tadea'u amonanni Ahazia sarangkanambone pateanna.

2 SAMUEL 3:27

Ne napawe i Abner na'omate su Hebron, i tou niaheanni Yoab su sandiṛṛanne, maranin ngara pasallanganna, ereola'u pia gatto iaadappingnga. Inaṛṛombanganne i Yoab nangusu'a tianni Abner na'oman sara nate. Etearoddi i Abner nate nipaten Yoab ipabbal᷊issa naungnga lal᷊eo su pamamate si Asael tuarine.

YEREMIA 39:14

nangal᷊appa si ya'u wuassu rallakku wal᷊en araratuanna. Wua'udde i ya'u nitantilla si Gedalya ana'i Ahikam wuṛṛu pulunni Safan, apan ṛinone manguntu'u mapul᷊e ringannu sal᷊amatta. Ne i ya'u uatana'e suwallattu tumana'u soa.

YEREMIA 40:5

Tantal᷊anna taambe inai, i Nebuzaradan nabbisara, “Amungkangngu mappulu, i'o wotongnge mabbelengnga ringanni Gedalya ana'i Ahikam wuṛṛu pulunni Safan, apan buatte nipilen datun Babel maola'a gubernure su manga soan Yehuda. I'o wotongnge matana'a ringanni tou suwallattu tumana'u soa, ara'e inai su al᷊awo'u tampa tumuṛṛuttu apulunu.” Ana see i tou nangonggollu wal᷊unna anna wuṛṛu aonggolla si ya'u, wuṛṛu i ya'u niwalate mapul᷊e.

YEREMIA 40:13

Wua'udde, Yohanan wuṛṛu manga tembonannu tantara apan tawe nassuṛṛubawa su seetta, nirumanta ringanni Gedalya su Mizpa

2 MARARATU 25:22

Wua'udde i Ratu Nebukadnezar namile si Gedalya ana'i Ahikam wuṛṛu pulunni Safan, naola'a gubernure su Yehuda iapaparenta anambon taumata apan ta'e uatana'a poiaroddi.

YEREMIA 40:7

Ratun Babel buatte nanenegi Gedalya maola'a gubernure su Yehuda mamarenta anambon taumata apan ta'e uatana'a su Yehuda, eteudde manga taumata apan aasianganne. Sangkawageanganna wuassu manga perwira wuṛṛu tantaran Yehuda tawe nassuṛṛubawa su Babel, naaringikka su ola'u pamamile si Gedalya udde.