YEREMIA 4:30 - WUKE SUSI WATTI'U AL᷊AL᷊USASSA

³⁰ Ei Yerusalem, i'o buatte nitantangnga wuṛṛu mangke tawe napa'ola'a apa-apa! Ipa'ura malluṛṛen laubba maṛṛamu wuṛṛu mallogakka watangannu ringannu wul᷊awanna wuṛṛu sal᷊a'a, se'e lai namuṛṛa mata ringannu wawuṛṛa? Tawe gunane i'o malloggakka watangannu, ana waugu manga apulunu maddirinute, ewe'e lai i mangitou mappulu manawutta niawanu.

YEREMIA 4:30 Referans Kwoze

2 MARARATU 9:30

I Yehu na'omate su Yizreel. Napawe i Izebel naaringikka sarangkanambone apan buatte nariaddi, i tou nalluwi utange wuṛṛu nappaattu celak ara'e raṛṛamaga mata, ana see nangintanno wuassu wal᷊en araratuanna.

LAL᷊ALLU 1:19

I ya'u namaggo manga hawe'u ate arawe i mangitou namontol᷊osanna si ya'u. Manga imam wuṛṛu piaṛṛa'u walahanna sarangkanambone natete su manga lal᷊annu soa. Sutempo maddea'a wiakka ipandalukka niawa.

LAL᷊ALLU 1:2

Su al᷊o'engngu ṛabbi i tou lulluai massusa, allon matane mangngelekka su wambala. Tawe saran sangkatou wuassu arangnguanne apan mappulu maminalatta si tou. I tou nil᷊al᷊eon manga hawene apan nabbal᷊i'e nabbal᷊i ro'appa.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

YEHEZKIEL 28:13

Tampa atatanaannu su Eden, wawail᷊annu Ruata. Laungngu lal᷊ogaṛṛannu al᷊awo'u permata: watun delima wuṛṛu intan, topas, watu pirus, watu yakut, ratna, cempaka, watu nilam, zamrud wuṛṛu watu alkali maṛṛamu. Lal᷊ogakka wul᷊awannu lai manambo. Manga saranapa udde niola'a hausannu su allo i'o niriaddi.

YEREMIA 13:21

Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YESAYA 20:6

Sutempo udde manga taumata apan uatana'a su apanne sarun mabbisara, ‘pa'ellege apa apan nariaddi su walahanna apan ipangngasakki ite tadea'u mallu'adda si ite wuassu ratun Asyur. Ereapa wotongnge i ite masal᷊amatta?’ ”

SONDAPPA 17:13

Sire mapul᷊o ratu udde sarangkanambone pia pandumanne apan uasul᷊ungnga; i mangitou sarangkanambone nanantillu atatohassa wuṛṛu taṛṛino mangitou su winatangnga udde.

SONDAPPA 17:4

Wawine udde ual᷊uṛṛen laubba ungu wuṛṛu maṛṛamu uaitumma, see lal᷊ogaṛṛanu wul᷊awanna, manga permata, wuṛṛu mutiara. Su limane i tou uaaggasa sambau mangko wul᷊awanna napenen inolaanne apan maarantina wuṛṛu lal᷊eo, hessin sasandage.

SONDAPPA 17:2

Manga ratun runia ma'ola'a al᷊al᷊eo ringanni tou, wuṛṛu tumana'u runia nabbal᷊i wu'anna ana waugu na'inumma anggoru sasandage.”

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

YEHEZKIEL 28:9

Ne, napawe nia'omante tempone udde, ta'e wotongngewe i'o mabbisara manungku i'o Ruata? Su saruannu manga mamamatenu, nasemakke manungku i'o tumba'u taumata wiasa.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

AMSAL 6:25

Ariewe i'o amono'annu araṛṛamagi mangitou, arie awol᷊engannu matan mangitou apan massal᷊o'a.

AMSAL 7:10

Wawine udde wawine apan apulune tawe matatana'a su wal᷊ene. Tal᷊angkadio'a i tou su winggiten dal᷊anna, wua'udde su leta'a mal᷊alangnga, ara'e uarisikka uaṛṛaddo su papengannu lal᷊anna. Pallal᷊agune waṛṛani wuṛṛu tawe masili. I ya'u naasilo i tou sinumabbangnga ringannu ul᷊aṛṛen laubbu wawine masandaga, wuṛṛu naisasomban umbasanna udde ringannu ṛiinna awusu.

YEREMIA 22:23

I yamiu matana'a ringannu mal᷊angnganna papal᷊iwutannu manga diṛṛi cemaran Libanon, arawe sal᷊immurine napawe i yamiu aṛṛiaannu atataddu'a, i yamiu sarun matataṛṛangnga ere wawine apan tantal᷊anna mangngunsiwe.”

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

OBAJA 1:7

I'o niawusuannu manga hawenu, wuṛṛu nilimbuaṛṛanna wuassu wanuanu. I'o niwaddon manga hawenu, nihauannu taumata apan niumanna suadio'a ringannu. I mangitou ma'iwal᷊o su ola'u watangannu, ‘Suapate orassa indi al᷊awo'u apapandene?’