YEREMIA 4:29 - WUKE SUSI WATTI'U AL᷊AL᷊USASSA

²⁹ Niaringikka hion tantara uasa'e awal᷊o wuṛṛu mamamiti'a, naaola'a suapan taumata tuttal᷊angnga ussal᷊arenga. Manga mahurangnge nisuttanni mangitou, wuidda watu ni'awitanni mangitou. Anambon soa nabbal᷊i mal᷊annabba, tateddu mappulu lai matana'a isudde.

YEREMIA 4:29 Referans Kwoze

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

LUKAS 23:30

Su tempo udde taumata sarun mabbisara su manga wowone, ‘Umpisanete i yami!’ Wuṛṛu su manga wuidda, ‘Soopete i yami!’

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.

YEREMIA 52:7

darandungngu soa nihohakku seetta. Ṛabbi udde, salaiwe taumatan Babel tantal᷊anna malliwunna soa udde, anambon tantaran Yehuha tinumal᷊angngu watanganne mattuddan Bawal᷊annu Yordan. I mangitou niumamattu lal᷊anna sumabbi waillu araratuanna, wua'udde sinumabbangnga wuassu ngara pasallanganna apan uasampa'u darandungnga darua su tampa udde.

YESAYA 30:17

Saṛṛiwu su atoune sarun tumal᷊angnga maasilo wawansagu sangkatou seetta, wuṛṛu wawansagu siri lima maaola'a si yamiu tumal᷊angnga abbi-abbi. Wuassu tantaranu tumba'u matantangnga sambau pul᷊on baneṛṛa su puiddu wuidda.

2 TAWARIKH 33:11

Ana waugu udde Mawu naparantan manga tembonannu tantaran Asyur niapapangalo Yehuda. Manasye sinamettu aaitta, ana see nimantungnga wuṛṛu niapidda watukku Babel.

1 SAMUEL 13:6

Wua'udde i mangitou namangalote ringannu tawe ampungnge su taumatan Israel, na'oman sara taumatan Israel matta'utte. Addaalle lai taumatan Israel uaimbuni sulal᷊ummu loṛṛangnga wuṛṛu liangngu wowone ara'e pasisalle'a su manga watu, ara'e sulal᷊ummu paṛṛihi wuṛṛu loṛṛangnga su leta'a,

YESAYA 6:12

tumana'u manga soa udde sarun Ta'u limbuaṛṛanna watukku tampa apan marau, na'oman sara ahewallu leta'a mabbal᷊i mal᷊annabba.

YEREMIA 6:23

Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”

YEREMIA 16:16

Mawu nabbisara, “I Ya'u sarun mamaggo manambo samakka iapasametta manga taumata indi. Wua'udde i Ya'u mamaggo manambo matataṛṛia su iapasametta si mangitou suapan bowone wuṛṛu wuidda, wuṛṛu su manga loṛṛangngu wuidda watu.