YEREMIA 4:28 - WUKE SUSI WATTI'U AL᷊AL᷊USASSA

²⁸ Runia sarun lumal᷊o, langitta ete wasa tuudda. Mawu buatte nabbisara wuṛṛu tate mamal᷊u hol᷊a-Ge. I tou buatte namutussa wuṛṛu tate sumoṛṛotta sara sangkal᷊empanga.

YEREMIA 4:28 Referans Kwoze

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

HOSEA 4:3

Ana waugu udde wanua indi sarun maola'a maṛṛasa, wuṛṛu al᷊awo'a apan mabbiakka isudde sarun mate. Al᷊awo'u hatin binatangnga su winalanganna, su ammaranne wuṛṛu su tahal᷊oangnga sarun mate.”

YEREMIA 12:4

Ta'e sangkura lai al᷊annune wanua indi mamara, wuṛṛu nannal᷊o tumolangnga su al᷊awo'u wawail᷊anna? Manu'u winalanganna wuṛṛu winatangnga waine nate ana waugu al᷊al᷊eon balahanni yami. I mangitou nabbisara, manungku i ya'u sarun tawe maasilo ola'u pabbiaṛṛanni mangitou.”

YESAYA 50:3

Langitta Ta'u niola'a ma'itumma marandumma, i Ya'u nana'appa udde naal᷊ihidda ringannu nasan lallal᷊o.”

YESAYA 5:30

Su allo udde su ahewallu Israel niaringikka hahuressa ara'e hiom pangalo aikkanne ere lua'a mabbasse. Pa'ellege, ahewallu wanua udde marandumma wuṛṛu napenen asasuṛṛippitta. Asasemakka naola'e wasa tuudda.

SONDAPPA 6:12

See i ya'u naasilo Ana'u Domba udde namesangnga segele aiannume. Nariaddite linukka apan masaddata. Matannallo nabbal᷊i ma'itumma ere mal᷊aṛṛenessa ma'itumma hal᷊agga, wuṛṛu wul᷊anna nabbal᷊i maṛṛamu ere ṛaṛṛa.

IBRANI 7:21

Arawe Mawu Yesus nitenega maola'a imam, nappaattu sasalu, su tempo Ruata nabbisara si Tou, “Mawu suete nassalu, wuṛṛu i Tou sarun tawe mamal᷊u ṛingidde, ‘Ete I'o imam saran mal᷊annu-l᷊annu.’ ”

EFESUS 1:11

Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

LUKAS 23:44

Iraṛṛangngo puulla mapul᷊o dua allattune, matannallo tawe semakke wuṛṛu ahewallu wanua udde naddandumma na'oman sara puulla tatallu wawallo.

MARKUS 15:33

Su allo allattune, al᷊annune tallung ka'orassa ahewallu wanua udde naddandumma.

MATIUS 27:45

Su allo allatune, al᷊annune tallung ka'orassa ahewallu wanua udde naddandumma.

YOEL 1:10

Manga wawail᷊anna orassa indi nassongkakke. Leta'a lullal᷊o, ana waugu naṛṛangute al᷊awo'u gandumma namarate wuan anggore, wuṛṛu nasuete lanan zaitun.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

YEREMIA 23:20

Asasa'u-Ne tawe umompo'a tantal᷊anna sarangkanambone apan niṛṛiinne taambe niola'a. Su allo addantane umattu Mawu sarun maasunna olangnge udde ringannu matualaga.”

YEREMIA 23:10

Wanuan kite napanen taumata apan mal᷊awangnga Mawu. I mangitou mabbiakka lal᷊eo wuṛṛu massal᷊a paattu taṛṛino mangitou. Ana waugu tatal᷊a Mawu, nannal᷊o su wadda'a nabbal᷊i mamara wuṛṛu ahewallu wanua lullal᷊o.

YEREMIA 14:2

“Yehuda naungnge massusa manga soane maranite mate. Manga taumatane ual᷊allowangnga su leta'a wuṛṛu sussal᷊iomanna. Yerusalem mangngintul᷊i ma'iontolla.

YEREMIA 12:11

Ore, i Ya'u naasilo si mangitou na'ola'a wanua-U tampa mal᷊annabba wuṛṛu ma'asusa. Sarangkanambone niwala aroddi, taweddu mamadul᷊i.

YEREMIA 7:16

Mawu nabbisara, “i Yeremia, ariete pangal᷊iomannu manga taumata indi. Ariete paddoronga tulumanna ara'e umal᷊iomanni mangitou; arie i Ya'u iwata'a, ana waugu i Ya'u maddiri maddaringikka darorongngu udde.

YESAYA 34:4

Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

YESAYA 24:4

Runia mabbal᷊i mamara wuṛṛu tumol᷊angnga, ahewallu runia massusa su sambau.

1 SAMUEL 15:29

Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”

YEREMIA 51:12

Onggol᷊eten tialane napawe mamangalo manga darandungngu Babel. Tohasse pandariagga. Atoṛṛa'e mallaṛṛapa. Saddiate pananametta!” Mawu buatte napaamattu ṛiin-Ne su saruannu taumatan Babel.

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

ZAKARIA 8:14

Mawu Apan Lembontaṛṛino nabbisara, “Sutempo iupungngu al᷊amonanu naaola'a a si Ya'u nasa'u, i Ya'u nakkawessa tadea'u makkuumanni mangitou ringannu maṛṛagissa. I Ya'u sarun tawe mamal᷊u putusang-Ku udde, ewe'e mangke mapaamatta.